鳳鳴居

营业中

休息中

每次经过凤鸣居都见到舖头出面好多人等位，所以次次都打退堂鼓，今次6点半未够就去，见到等候人数唔多，就嗱嗱临攞飞，等咗大概10分钟就入得。今次试咗最出名的醉香鸡汤米线同虫草花鸡汤米线，另外叫咗辣豉油爽脆鹅肠、醉鸡肾、醉蛋等小食。两碗米线上枱时都非常够热，鸡肉十分烫口入味，鸡肉主要系带骨鸡件，啱晒中意噒骨嘅我，大部分鸡肉嫩滑，只有厚肉的鸡胸比较嚡口。汤底方面，两款米线嘅汤底大有分别，虫草花鸡汤的汤底相对清淡，药材味并不明显，相反醉香鸡汤药材味非常浓郁，加上花雕酒香气扑鼻，较适合重口味人士，不过汤底也比较甜口。如果想试醉鸡汤底以外的汤面，又想享有浓浓的花雕味，可加20蚊转。米线方面，亦比较滑身。辣豉油爽脆鹅肠大部分肥膏都清除咗，加上有芽菜铺底，罪恶感冇咁重，不过鹅肠本身调味不足，单靠豉油调味，比较单调。醉鸡肾甜口，花雕味重，非常入味，口感夹脆。醉蛋火候控制非常好，完美嘅溏心蛋，酒香与蛋香相得益彰。非常滋补的一碗面，冬天一定会再来，下次试吓芫茜鸡汤面，见到旁边枱有叫，非常震撼。