影片
以上资料只供参考，请与餐厅确认详情
我最爱嘅醉鸡店醉香鸡汤米粉汤底好甜好香酒味.鸡系极嫩滑米粉吸晒鸡汤嘅精华.再点埋佢嘅辣椒豉油👍🏻👍🏻麻辣醉香鸡米线呢个麻香醉鸡味汤底麻香酒味钟意食麻辣嘅话一定要炸花枝丸花枝丸极新鲜，即炸食到入边有一粒粒花枝
继续阅读
上一次黎食拣左醉鸡汤米线结果个汤太甜 怪怪地我以为系我拣错汤底既问题 因为醉鸡汤有红枣所以决定下次要再试其他汤底今次拣左虫草花鸡汤米线冇红枣 谂住会试到正常鸡汤味点知都系甜既…..？我非常唔钟意😿但呢个都系个人口味最令我唔满意系佢个冻奶茶一啲奶茶味都冇 同侍应讲完换完都一样应该系茶底好淡讲返啲好既 鸡肉好大旧 劲多肉同埋口感几好不过唔点鼓油就冇味既 总括黎讲就系失望 好彩今次唔洗排队如果要等完位再食应该会更失望了补返张图
继续阅读
朋友成日推介呢间米线，但系日日都排长龙。今日睇啱时间出击喇！今日系星期五嘅下午5点左右嚟，唔驶排队直入。一个人嚟就安排坐单边吧位，ok嘅，都干净阔落。朋友推介话呢间汤鸡好正，今日就试吓佢嘅招牌醉鸡汤米线啦！菜单上写明系即叫即整，所以要等耐啲，好期待呀！点知落单唔够2分钟就上枱，又话即做嘅？醉鸡汤米线（$62）一饮啖汤嘅时候就知道出事喇！啲汤唔够热，即系唔系即整啦！味道方面，啲酒系直接倒落去，冇煮过，所以酒味好浓，盖过鸡汤味（亦可能佢本身啲鸡味唔出啦）！总之汤底除咗甜味同酒味就饮唔到鸡味。至于鸡肉就俾得好足（有6-7嚿 - 有翼有脾有胸），仲有豉油辣油俾你任点。但系啲鸡肉好柴好老，又唔似煲完汤啲汤渣咁软糯，而且仲几油吓。总结一下，鸡汤米线的确比平日食𠮶啲米线健康啲。但如果系向住「饮靓汤」出发嘅就会有啲失望喇！
继续阅读
减肥期间唔想食淀粉，但又想饮佢个醉鸡汤底，见到有得转菜底，虽然要加10蚊都转咗，点知份量劲少，加𩠌拣菜都系7蚊下次走米线加𩠌都冇咁sad个醉鸡汤底好好味嘅，少少偏甜，今次啲鸡都几滑
继续阅读
平时系旺角见到必定大排长龙嘅一间餐厅，今次突登系lunchtime果阵食，岩岩1215到，都要排一阵队，都真系几多人食。🔹醉香鸡汤米线 $62好香酒味，个汤系好浓鸡味同酒味，饮落好暖胃。汤入面又有红枣，会令到个汤更加甜😍另外啲鸡嘅份量好够，鸡又滑又嫩，好正😋🔹虫草花鸡汤米粉 $65对比起醉香鸡汤，虫草花汤会清好多，超多虫草花，感觉好健康。鸡要点佢秘制豉油食会更出鸡味，我呢碗咁岩系鸡脾，啲鸡会更加滑，正😋🔹冻菠萝青柠蜜 加$8唔好睇佢平平无奇，好重菠萝味，几fresh几好饮，但饮到底会发现啲菠萝青柠蜜未完全溶晒，超甜😣建议完全捞晒先好饮
继续阅读