申一棧京滬料理 (已結業)

一去到拎飞编号199两位，等了十分钟左右，二人台叫到197,198都无人应，心谂系我喇挂，点知佢叫二人台1号，上前同门口个小姐讲，好在佢都比我入先，跟住入去坐，环境颇为挤逼。先讲食品，茶有几款可选，我点了一壶荔枝红茶，食物叫了生煎包，小笼包，云泥白肉，嫩鸡煨面。生煎包品质一般。小笼包D皮都算薄，味道算系一般。云泥白肉就好似平时食腿蛋治o既火腿加上小甜o既豉油同蒜泥辣椒。食晒呢三样后等了十分钟左右侍应将一碗类似糊仔o既物体送上，原来系鸡蓉面(烂蓉蓉o既嫩鸡煨面)，食呢碗野系完全唔需要用筷子，面条好似食碗仔翅d粉丝一样---烂晒，我真系唔知系要咁食法，定系以前食o既煨面唔够正宗喇...到讲一讲侍应喇，饮完茶想加水就当然会打开壶盖，侍应收小笼包个笼时竟然当睇唔到就走左去。另外一个类似经理o既人想将张椅由两张台中间移过，不过唔够位顶住过唔到，之后佢就叫左一声，推开少少其中一张台再过，而当时张台系有客人坐系度架。仲有就系见厨房出生煎包，其中一个包弹左出只碟，之后就见个侍应就咁用手放返上去就送比客人食喇，虽然大家都知呢d事成日都有，不过都唔好做到咁张扬啦。下次唔会再光顾喇.......