影片
更多
2024-09-30
331 浏览
约咗「提过193间cafe几好食」𠮶位朋友睇《我谈的那场恋爱》，睇戏前当然去食饭啦！ 佢话要食193cafe，叫我畀多次机会佢，仲畀好大勇气我，最多一齐伏，结果真系一齐伏。😓 今次无海景位，坐咗入面圆枱，张大凳几舒服。入座时，得3成客，但都系用餐完坐下。入座后只多一对情侣客。好快手落咗单，谂住拿拿林食完去戏院打卡。 吉列厚切猪扒温泉蛋盖饭($148)呢个第一个上，珍珠饭无温度，温泉蛋合格，吉列猪扒不过不失，唔干但又唔系好juicy，实属一般。 炸薯条配黑松露沙律酱($48)出色！薯条够热，够脆，黑松露沙律酱够浓！呢个推介 士多啤梨忌廉芝士法式西多士($88)呢个就出大事啦！本身想叫青苹果卡达拉娜法式西多士，落单时侍应话卖哂，ok，唔紧要，咁见其他人啲相都几靓仔，就转咗士多啤梨。 menu提醒咗「需时20分钟制作」，计过数，落单先1820，完全够时间慢慢食，叫佢可以即上。 1900见唔对路，问佢个甜品仲未有，如果未整就取消啦。瘦瘦地戴眼镜嘅男仔帮手入厨房问，话唔好意思，因为即叫即焗，所以要耐少少，厨房已经整紧。ok，咁等。结果食完饭同薯条，呢个迟迟都未见影，1910再催咗佢一次。我：搭4
佢话要食193cafe，叫我畀多次机会佢，仲畀好大勇气我，最多一齐伏，结果真系一齐伏。😓
今次无海景位，坐咗入面圆枱，张大凳几舒服。入座时，得3成客，但都系用餐完坐下。入座后只多一对情侣客。好快手落咗单，谂住拿拿林食完去戏院打卡。
吉列厚切猪扒温泉蛋盖饭($148)
呢个第一个上，珍珠饭无温度，温泉蛋合格，吉列猪扒不过不失，唔干但又唔系好juicy，实属一般。
炸薯条配黑松露沙律酱($48)
出色！薯条够热，够脆，黑松露沙律酱够浓！呢个推介
士多啤梨忌廉芝士法式西多士($88)
呢个就出大事啦！本身想叫青苹果卡达拉娜法式西多士，落单时侍应话卖哂，ok，唔紧要，咁见其他人啲相都几靓仔，就转咗士多啤梨。
menu提醒咗「需时20分钟制作」，计过数，落单先1820，完全够时间慢慢食，叫佢可以即上。
1900见唔对路，问佢个甜品仲未有，如果未整就取消啦。
瘦瘦地戴眼镜嘅男仔帮手入厨房问，话唔好意思，因为即叫即焗，所以要耐少少，厨房已经整紧。ok，咁等。
结果食完饭同薯条，呢个迟迟都未见影，1910再催咗佢一次。
我：搭4落单，依加已经7点2，你哋写20分钟。
佢：真系唔好意思，好快好快。
结果1920先上
最离谱系，上甜品𠮶阵，另一个戴眼镜较大只嘅仔男侍应先讲：cream chesse无哂，所以转咗蜜糖畀你
我：吓？你依加先讲？(我内心：睇中佢有cream cheese先叫，依加完全违反商品说明条例)
佢：系呀，唔好意思。然后就走咗...
我当刻觉得好离谱，朋友话算，快啲食完去睇戏。
一食，个西多士冻嘅，完全唔热，系雪柜嘅温度。请问即焗系边？
埋单时，系戴眼镜瘦瘦地男仔收钱
我：个西多士冻嘅，同埋你哋配料无货，应该一早讲，落单后先发现都可以讲同问转唔转其他，而唔系上菜𠮶阵要客硬食。真心好差
佢：真系唔好意思 (但无话要改🙂)
总结2次用餐体验
呢间cafe，咖啡掂，甜品就不了，主菜可接受。今次食大部分食物都系翻热，都做得唔算好好
朋友系193 fans，佢叫我唔好post今次，sorry。作为消费者，完全觉得咁嘅服务系不可接受。
如果要做得长+非fans客，出品要改善，员工要培训。
(好老实，将心比己，侍应哥仔出街食饭，叫A餐结果上B餐，会有咩感受？)
张贴
