影片
更多
2023-10-18
448 浏览
约咗一班朋友食饭，顺便就翻其中一啲下昼先去沙田踩单车嘅人，方便大家集合，所以就拣咗响大围食饭，其中有朋友建议试吓大围呢间西餐厅，位置都算方便，地铁站行过去唔使5分钟。环境装修都好好，服务方面亦都非常唔错，更加特别嘅系仲有live音乐听，所以成件事感觉到非常好。今次食物方面因为人多点嘅嘢食亦都相对多，所以就应该唔会特别逐样嘢细讲嘞。龙虾汤都几香，不过有少少偏咸。新鲜青口，配白酒忌廉汁，味道适中，配嘅薄面包都唔错，有少少偏硬嘅。芝士肉酱墨西哥脆片都可以，份量亦都几足够。特色小食拼盘，特别要赞嘅系啲酱汁几好味，不过会建议简单介绍一下边只酱汁点乜嘢比较好味会更加好，因为睇落去每一只都唔知系乜嘢味要逐个试，先至会知道点样配会更加好。威灵顿牛柳，因为唔系自己嘅喜好，所以唔会加以评论，但系卖相方面同埋食落口系唔错嘅。黑松露薯条，胜在够新鲜，简简单单，多啲茄汁更加好。传统二式蒜香辣椒意大利面，味道同份量都几好，其实唔系好难，几香。香煎带子八爪鱼墨鱼汁，西班牙焗饭，份量好足够，焗饭好烟韧，八爪鱼好大只，出到嚟好好睇，不过八爪鱼切得比较大粒，所以食落去有啲韧。龙虾汁海鲜意大利面， 分量味道都好稳阵。香煎带
今次食物方面因为人多点嘅嘢食亦都相对多，所以就应该唔会特别逐样嘢细讲嘞。
龙虾汤都几香，不过有少少偏咸。
新鲜青口，配白酒忌廉汁，味道适中，配嘅薄面包都唔错，有少少偏硬嘅。
芝士肉酱墨西哥脆片都可以，份量亦都几足够。
特色小食拼盘，特别要赞嘅系啲酱汁几好味，不过会建议简单介绍一下边只酱汁点乜嘢比较好味会更加好，因为睇落去每一只都唔知系乜嘢味要逐个试，先至会知道点样配会更加好。
威灵顿牛柳，因为唔系自己嘅喜好，所以唔会加以评论，但系卖相方面同埋食落口系唔错嘅。
黑松露薯条，胜在够新鲜，简简单单，多啲茄汁更加好。
传统二式蒜香辣椒意大利面，味道同份量都几好，其实唔系好难，几香。
香煎带子八爪鱼墨鱼汁，西班牙焗饭，份量好足够，焗饭好烟韧，八爪鱼好大只，出到嚟好好睇，不过八爪鱼切得比较大粒，所以食落去有啲韧。
龙虾汁海鲜意大利面， 分量味道都好稳阵。
香煎带子黑松露意大利面，呢个都几好食。
香烤鸡翼冇乜特别嘢介绍，最重要系啱啱出嚟狗热够香。
张贴
