家賀屋

呢排心情唔系咁好，家姐陪我去食好嘢，饮返两杯relax下。呢间餐厅都系朋友介绍，可能系楼上舖嘅关系坐得好宽敞，我哋点咗厚切牛舌，同埋鸡串烧。牛舌真系烧到啱啱好，而且燃烧好入味，鸡串入边加咗鸡软骨比较有口感，再点埋一兰蛋，入口好嫩滑滑嘅感觉，好好味。海胆吞拿鱼腩蓉饭呢个除咗好味之外，仲好抵食，卖相超靓，海胆配吞拿鱼蓉，再加埋蛋一齐食，令到个饭可以更香，本身只系百几蚊，加多$45可以变咗套餐，有多一碗蒸蛋，一碗汤，仲有一碗乌冬。成件事即刻抵好多。刺身我哋点咗三款，全部都好新鲜，不过要赞吓只鲍鱼非常鲜甜，而且好弹牙。寿司做到一啖一嚿，而且寿司饭系有味，基本上唔使点豉油都可以食到鲜味，超满足。呢间餐厅真系性价比超级高，加上环境宽敞，价钱又大众化，绝对可以再三来访嘅餐厅。