影片
更多
2013-11-16
201 浏览
因为要拍一条关于系深水埗蛇舖既纪录片而走匀深水埗三间蛇舖，三间都各具特色，但最吸引我同组员们既，就一定系最好食，而且最有人情味既蛇王协。第一次去考察既时候，舖面人头涌涌，店员都耐心安排座位比我地，仲同大家有讲有笑，感觉好亲切。坐低点餐无耐，大蛇羹($68) 同糯米饭($15) 就热辣辣咁奉上。蛇羹既味道都好鲜，唔会用太多调味料去cover 蛇原来既味道。料又好足，每羹都有蛇既先叫蛇羹嘛。有人话色唔够浓，味唔够咸，不过讲真吖，要整色整水不如食碗仔翅。 最令我感受到关怀既时刻，系我地当时要食匀三间蛇舖，就间间都食少少费时食滞，于是我地六个人分一碗大蛇羹同一人一碗糯米饭，店员主动问我地要几多碗仔，完全无介意过话帮衬得少。相反，去到另一间蛇舖，当时舖头人唔多，我地四个人(有两个离队走左) share一碗大蛇羹，就话：得一碗边够食阿！ 我地回应： 我地谂住试下架咋。 唔知系唔系咁岩得咁桥，就即刻有人走埋黎叫我地d袋唔好阻住其他人，惊click亲我地自己咁讲。对比之下，就知道边间你会想去多次。至于个糯米饭就真系炒得好香，有立肉，虾米，立肠，食起上黎又唔算好油，亦唔会痴埋一旧旧。食饱饱就同老板娘申请
第一次去考察既时候，舖面人头涌涌，店员都耐心安排座位比我地，仲同大家有讲有笑，感觉好亲切。
坐低点餐无耐，大蛇羹($68) 同糯米饭($15) 就热辣辣咁奉上。蛇羹既味道都好鲜，唔会用太多调味料去cover 蛇原来既味道。料又好足，每羹都有蛇既先叫蛇羹嘛。有人话色唔够浓，味唔够咸，不过讲真吖，要整色整水不如食碗仔翅。 最令我感受到关怀既时刻，系我地当时要食匀三间蛇舖，就间间都食少少费时食滞，于是我地六个人分一碗大蛇羹同一人一碗糯米饭，店员主动问我地要几多碗仔，完全无介意过话帮衬得少。
相反，去到另一间蛇舖，当时舖头人唔多，我地四个人(有两个离队走左) share一碗大蛇羹，就话：得一碗边够食阿！ 我地回应： 我地谂住试下架咋。 唔知系唔系咁岩得咁桥，就即刻有人走埋黎叫我地d袋唔好阻住其他人，惊click亲我地自己咁讲。对比之下，就知道边间你会想去多次。
至于个糯米饭就真系炒得好香，有立肉，虾米，立肠，食起上黎又唔算好油，亦唔会痴埋一旧旧。
食饱饱就同老板娘申请拍摄工作喇，老板娘都好配合，愿意答应协助我地既拍摄工作。
拍摄当日，老板娘示范拆蛇肉比我地睇，原来每条蛇飞完水之后都系用一只削尖左既筷子，用人手一下一下将原条蛇拆肉，真系好花功夫，每块蛇肉都得来不易。
无耐老板娘仲特登叫佢细佬炒个蛇碌比我地食，个蛇碌热辣辣又唔油，又够哂野味，唯一一样美中不足既系一定要用手食，如果唔系就食唔到骨与骨之间既肉，嘥哂~
香港净返既蛇舖唔多，识㓥蛇，捉蛇既人更加少之又少，要食到足料既菜肴，无百几二百蚊都唔洗指意谂。唯独呢度既价钱难得地够平民但食物都有一定水准。 当你堆怨紧麦当当，大家乐既野食又贵又少又难食既时候，点解唔做d实际行动，去支持返一d有素质既良心商舖？
张贴
