影片
更多
2024-07-10
150 浏览
大曱甴🪳+态度差🌚真系好后悔食呢间餐厅。😡😡我哋坐喺餐厅最后嘅卡位，话说坐低叫完嘢食，都未有水提供，到啲嘢食嚟咗都要叫两次先有水饮。等紧椰子鸡煲熟嘅时候，突然发现只脚有一只大曱甴行过🪳我仲要系着高踭鞋，佢行过咗我脚背。。。。真系好呕心。。。。🤮🤮我即刻离开座位，行出去同职员A讲，佢望一望我😒完全冇讲过嘢，继续收钱！但系只曱甴仲未死，已经行紧出嚟，我再问佢会唔会处理咗只曱甴先？佢收完钱先至好滋油淡定，慢慢行过去处理只曱甴（所以我先有时间好冷静咁帮只曱甴影相！）中途系一句嘢都冇讲过，更加冇讲唔好意思或者道歉。🤯之后我要求掉位，坐大厅中间比较开阳啲，职员A居然话呢张枱有人订咗，只可以继续坐返偏后位置。我哋坚持要坐出边先有得坐。😤我即刻同另一位职员反映，呢个职员B话佢系主管，但剩系讲唔好意思同埋话会同职员A反映。并冇任何补偿行动，到我哋主动问𠮶阵，职员B话一系请我哋饮返罐可乐！哗！我已经一肚气啦㖞，仲饮？🙄🙄我宁愿你唔收我加一，因为根本冇任何服务可言！咁样会唔会公平啲？🤔最后我哋打去总店同另一位职员反映，亦要求佢帮我哋跟进，尽快回覆我哋，直至到我哋埋完单，都系冇任何人再跟进呢件事。😮💨客观啲
我哋坐喺餐厅最后嘅卡位，话说坐低叫完嘢食，都未有水提供，到啲嘢食嚟咗都要叫两次先有水饮。
等紧椰子鸡煲熟嘅时候，突然发现只脚有一只大曱甴行过🪳我仲要系着高踭鞋，佢行过咗我脚背。。。。真系好呕心。。。。🤮🤮
我即刻离开座位，行出去同职员A讲，佢望一望我😒完全冇讲过嘢，继续收钱！
但系只曱甴仲未死，已经行紧出嚟，我再问佢会唔会处理咗只曱甴先？佢收完钱先至好滋油淡定，慢慢行过去处理只曱甴（所以我先有时间好冷静咁帮只曱甴影相！）中途系一句嘢都冇讲过，更加冇讲唔好意思或者道歉。🤯
之后我要求掉位，坐大厅中间比较开阳啲，职员A居然话呢张枱有人订咗，只可以继续坐返偏后位置。我哋坚持要坐出边先有得坐。😤
我即刻同另一位职员反映，呢个职员B话佢系主管，但剩系讲唔好意思同埋话会同职员A反映。并冇任何补偿行动，到我哋主动问𠮶阵，职员B话一系请我哋饮返罐可乐！哗！我已经一肚气啦㖞，仲饮？🙄🙄
我宁愿你唔收我加一，因为根本冇任何服务可言！咁样会唔会公平啲？🤔
最后我哋打去总店同另一位职员反映，亦要求佢帮我哋跟进，尽快回覆我哋，直至到我哋埋完单，都系冇任何人再跟进呢件事。😮💨
客观啲嚟讲，呢个价钱，食物质素真系好一般，
声称招牌手打丸，但虾丸同墨鱼丸都沟咗劲多肥猪肉，完全冇爽口弹牙嘅口感；😟
响铃油琳琳唔脆；最好食就系皇帝菜。
服务方面，冇晒水唔会有人攞嚟，亦唔会有人帮你加汤，唔会有人换骨碟，呢个价钱，任食自助火锅嘅服务都比佢哋殷勤；切蛋糕佢哋提供嘅胶叉，仲附送一只蚂蚁，真系多谢晒！🐜
三个人，咁就食咗$1,257 ，滚爷呢个名真系改得好，真系会令人食到火滚，好难忘！👋🏻👋🏻
8 浏览
0 赞好
0 留言
0 浏览
0 赞好
0 留言
1 浏览
0 赞好
0 留言
0 浏览
0 赞好
0 留言
1 浏览
0 赞好
0 留言
张贴
