影片
更多
2017-10-12
7054 浏览
上次晌铜锣湾嘅「鉄人旨花」食过一次「厨师发辧」，确喺一次难忘体验；最近，嚟到尖沙咀嘅「鮨一」，品尝当造时令嘅鱼生，亦喺一次难忘体验，皆因睇住师傅切鱼生、摆盘，已喺一种视觉享受。位处蓝马商业大厦18楼嘅「鮨一」，地方唔大，装修主要喺日系浅木色嘅惯常配搭，表现出亲民、暖和嘅感觉。记得订枱就最稳阵，我哋都嚟得早，眼见已经坐满晒。我哋订枱时已要求坐晌吧位，既可欣赏师傅做菜，佢哋个嘅位枱面又比较深长。餐厅内嘅花巧嘅装饰唔太多，较得意就喺吧位一角放置一大篮新鲜日本蕃茄、迷你招财猫、小型日本邮筒及狸猫仔。翻一转餐牌，选择多多，由佐酒小食、沙律、刺身、寿司、手卷、卷物、串烧、炉端烧、一品料理、扬物、炒饭、茶渍饭、冷面、汤品、啤酒、清酒及汽水、梳打……等等，如居酒屋般应有尽有。而亮点嘅千层海胆饭就额外另一张餐牌列印出嚟，当日所见，为打卡又好，呃赞又好，抑或真正享受海胆嘅丰腴又好，确喺有唔少客人落单，我哋坐晌吧位，睇住师傅密密手唔停咁做。鮨一沙律 $128今次我哋主要目标喺刺身，所以，海胆饭就无刻意去试。先上场喺镇店沙律，其实喺以鱼生做底，内有好多鱼生角切、八爪鱼，再加埋蟹籽、沙律菜、日本蕃茄，所以，入口
位处蓝马商业大厦18楼嘅「鮨一」，地方唔大，装修主要喺日系浅木色嘅惯常配搭，表现出亲民、暖和嘅感觉。记得订枱就最稳阵，我哋都嚟得早，眼见已经坐满晒。
我哋订枱时已要求坐晌吧位，既可欣赏师傅做菜，佢哋个嘅位枱面又比较深长。
餐厅内嘅花巧嘅装饰唔太多，较得意就喺吧位一角放置一大篮新鲜日本蕃茄、迷你招财猫、小型日本邮筒及狸猫仔。
翻一转餐牌，选择多多，由佐酒小食、沙律、刺身、寿司、手卷、卷物、串烧、炉端烧、一品料理、扬物、炒饭、茶渍饭、冷面、汤品、啤酒、清酒及汽水、梳打……等等，如居酒屋般应有尽有。
而亮点嘅千层海胆饭就额外另一张餐牌列印出嚟，当日所见，为打卡又好，呃赞又好，抑或真正享受海胆嘅丰腴又好，确喺有唔少客人落单，我哋坐晌吧位，睇住师傅密密手唔停咁做。
鮨一沙律 $128今次我哋主要目标喺刺身，所以，海胆饭就无刻意去试。先上场喺镇店沙律，其实喺以鱼生做底，内有好多鱼生角切、八爪鱼，再加埋蟹籽、沙律菜、日本蕃茄，所以，入口鲜味尽出，蕃茄清甜多汁。
八爪鱼烧饼 $28喺八爪鱼小丸子嘅烧饼版，烧饼煎好后，洒上大量紫菜及木鱼碎，睇见都几吸引。入口口感其实跟食小丸子嘅分别唔太大，粉粉软软，咸咸甜甜，不过，八爪鱼粒唔多。
甲罗烧 $98 曾经晌尖沙咀嘅「浜烧」试过一次，知道都几正，所以，就专登点嚟俾老友试。烧香咗嘅蟹肉连蟹膏，跟蛋黄沟埋一齐，再用嚟涂多士食，多士香脆，蟹膏甘腴，浓香而滑溜。食完，都仲觉得有一朕余韵晌口腔盘旋。
特上锦绣刺身 $468、粒贝 $388、活北寄贝 $248是日嘅重点登场，就喺刺身，除拣咗个「特上锦绣刺身」外，仲有两款师傅话新鲜返货嘅粒贝及活北寄贝。睇师傅切鱼生、摆盘时已见兴奋，因为，砌得真喺靓，靓得像艺术品般。
8款刺身，各2切，包括有牡丹虾、吞拿鱼、油甘鱼、黑睦、鱼、鲷鱼、加拿大海胆及日本鲜带子。小弟就唔逐一评论，因为，食刺身都唔喺我嘅强项，不过，刺身色泽明亮，唔会暗暗哑哑，可以讲「新鲜度」睇都睇得到；而整体而言，鲜甜味十足，要爽口有爽口，要油香有油香，要甘腴有甘腴，实在高质。
粒贝食落有啲似灼过嘅象拔蚌咁，软软腍腍，味道唔算好有个性，不过，充满海水嘅咸鲜味。
活北寄贝做寿司嘅北寄贝不时都有接触，但新鲜货就较少食，估唔到入口喺烟烟韧韧，却又有种爽口嘅口感。
虽然，无上次食厨师发辧咁贵，但食时令嘅日本刺身，都一样喺高消费项目。今次都好满足，既能欣赏到师傅做菜嘅功架，又可以品尝到高水准嘅出品，真喺有「鮨」势，有实际！
张贴
