V.W Vegan Cafe (已結業)

呢两个礼拜都成日落雨湿湿咁，天气又焗，今日都唔例外又焗又落雨，不过难得今日放假又好想出街食下野，今日就入左大埔食野啦知道v.wvegan都开左好一段时间啦，不过唔系咁容易夹到时间黎，难得有一间可以食纯素嘅Cafe仲要开系无乜素食舖头嘅大埔，终于都系要黎试下今日自己一个黎惊食唔晒无叫好多野食，净系叫左一个主食同埋一杯饮品枱面餐牌无写主食，得饮品甜品同小食，主食要睇返门口个黑板仔先知，有少少唔方便，舖头入面好似唔见有挂起主食餐牌蛋糕要问侍应先知个日有咩蛋糕不过落单嘅女仔态度麻麻地，问今日有咩蛋糕，净系＂无蛋糕＂三只字挞埋黎，听到有少少唔舒服，又唔讲系卖晒定系点上菜速度快过其他Cafe台湾🍍烧汁新猪肉汉堡配薯条 $108汉堡以🥯做汉堡皮，口感Q弹，台湾🍍香甜多汁，配埋Juicy嘅新猪肉扒真系几正👍不过份量较细，食完个肚无乜感觉，初头仲惊食唔晒先无再嗌其他野食焙茶拿铁（热） $45烘茶味浓，清香不涩口，饮落似无额外加糖，清清地的店面装修都几靓，系文青休闲风，不过櫈就坐得唔算太舒服，因为张櫈太高枱太矮，见到隔离枱嘅食客都坐都寒晒背咁先食到野食物质素系ok嘅，不过其他方面有改善嘅空间。