影片
更多
2018-02-03
324 浏览
虽然算得上喺晌深水埗大，但屹立超过60载嘅「雪山冰厅」去过嘅次数寥寥可数，有嘅都喺好细个𠮶时。早前，睇杂志知佢由80后疏堂亲戚接手，重新装修之余，食物款式都嚟个大革新。所以，说一不二，话会嚟食就会嚟，立即行动，同一众老友嚟食个晏！环境如上文所讲，喺全新装修，原店嘅物品只保留两张旧画，由于是日午市逼到爆，所以，想影吓都唔方便。反而，入门口左边一大张鱼跃喷画，感觉份外醒目。晌餐枱上，贴有一张固定嘅散点餐牌，有焗类、碟头饭、皇牌咖喱、汤粉面、环球美食（其他地区啲碟头）。虽然话喺散点，一样可以以优惠价加配饮品。早餐餐牌都介绍埋，因为供应时间由6:30am-2:00pm，唔晏过2:00pm嘅话一样可以当午餐咁食。基本上分为金牌早餐及欧陆早餐，睇落钟意前者，只喺卖$25或$28，连餐饮，怕唔够饱嘅话可以加配多士或三文治之类，平得嚟够弹性。此外，茶记必备嘅快餐、常餐、午餐、特餐又点少得吖。先介绍快餐，因为铺面嘅黑板写咗出嚟，喺日日转款嘅套餐，定价$42，仲标注穿校服减$5，非返学日子唔知仲有无效呢，哈哈！常餐ABC就印晌另一个餐牌度，定价$36-$42，餐牌里仲印带小食、基本饮品及特饮，所以，个常餐
环境如上文所讲，喺全新装修，原店嘅物品只保留两张旧画，由于是日午市逼到爆，所以，想影吓都唔方便。反而，入门口左边一大张鱼跃喷画，感觉份外醒目。
晌餐枱上，贴有一张固定嘅散点餐牌，有焗类、碟头饭、皇牌咖喱、汤粉面、环球美食（其他地区啲碟头）。虽然话喺散点，一样可以以优惠价加配饮品。
早餐餐牌都介绍埋，因为供应时间由6:30am-2:00pm，唔晏过2:00pm嘅话一样可以当午餐咁食。基本上分为金牌早餐及欧陆早餐，睇落钟意前者，只喺卖$25或$28，连餐饮，怕唔够饱嘅话可以加配多士或三文治之类，平得嚟够弹性。
此外，茶记必备嘅快餐、常餐、午餐、特餐又点少得吖。先介绍快餐，因为铺面嘅黑板写咗出嚟，喺日日转款嘅套餐，定价$42，仲标注穿校服减$5，非返学日子唔知仲有无效呢，哈哈！
常餐ABC就印晌另一个餐牌度，定价$36-$42，餐牌里仲印带小食、基本饮品及特饮，所以，个常餐好易睇漏眼。
午餐又有咩嘢拣呢？通常好多茶记嘅午餐喺日日转嘅款式，但呢度则相反，喺固定款式之余，更有唔少招牌菜，如人气海南鸡饭、招牌咖喱牛筋腩饭、金牌焗厚切猪扒饭，款款卖$48，包热饮。
特餐，只有一款选择，但可以讲喺店家嘅火热套餐，目测差唔多枱枱都有点，我哋一行7人，都点咗3客，包括小弟。特餐包括槟城叻沙掺掺、日本樱桃虾炒蛋、奶油牛角酥及餐饮，只喺卖$44，非常抵食，故此，我都先介绍佢。
日本樱桃虾炒蛋、奶油牛角酥（特餐）先上碟炒蛋，炒得几靓仔，唔会过老，仲黐住少少蛋浆，又够晒份量十足，而且，樱花虾超多；牛角包酥香，配奶油有啲邪恶得滞，夹埋啲炒蛋一齐食，又有唔同嘅滋味。
槟城叻沙掺掺（特餐）餐牌已有讲明掺掺喺乜，就喺油面搭米粉，腍身嘅油面，令幼身嘅米粉更突出其爽口感；𩠌料有鱼片、豆卜及鲜虾，鱼片几爽，虾肉鲜甜，食得出唔喺啲雪藏货，而整碗掺掺嘅灵魂喺个叻沙汤底，汤底几有鲜香味，喺嫌质感未够厚身。
热奶茶（餐饮）最钟意喺白底蓝字，印有「雪山冰厅」字样嘅茶杯，望落特别醒神。奶茶茶底香浓，饮落芳香，而丝滑度亦不俗。对整份特餐嘅所印象，非常满意。至于其他老友饮咩就唔多讲喇，都喺柠茶、柠水之类。
海南鸡饭（午餐）老友夏总话叻沙点吸引都好，点都要试吓佢哋嘅海南鸡。鸡嘅份量比预期多，入口爽滑，皮下脂肪少，啖啖都有鸡鲜味，确喺有水准，不过，非传统，只有配辣酱及甜酱油，并无姜蓉，但老友话无所谓，本身唔算太好姜蓉；但鸡油饭虽饭粒分明，但未够香。
槟城叻沙海南鸡米线 $38想食叻沙，又想食海南鸡，咁呢个米线就可以满足你两个愿望喇。小弟就唔多介绍嘞，虽然无试，但凭上面嘅特餐（叻沙掺掺）及午餐（海南鸡饭）水平，呢个米线相信唔差得去边嘅。
蕃茄浓汤牛肉通粉（早餐）属金牌早餐H，只卖$28，连热饮，啱晒啲唔大食嘅人，就算大食都唔怕，可加$6-$12配多士或三文治。友人话汤底都算蕃茄味浓，牛肉入口都嫩滑，咁嘅价绝对收货。
滑蛋牛肉炒河 $45池记兄喺传统派，点咗客老派嘅滑蛋牛肉炒河，咪睇啲河粉「白潺潺」，其实喺已经轻轻炒过，唔会黐埋一炷炷，只喺无加老抽干炒咁靓仔。之不过，配埋啲滑蛋，个河粉就变得更滑溜，牛肉同样够腍滑，满意。
重临「雪山」，虽然无晒啲怀旧感，但食物做得有诚意，怪唔得客似云来。都喺𠮶句，点平都好，唔好食就无翻头客，做得好嘅话，加点心思及诚意，就长做长有。雪中送「叹」，叹番餐性价比高午餐。
张贴
