放牛牛 (已結業)

1. 店员无心工作，态度恶劣收银两位女职员嬉皮笑脸，顾住玩，嘈喧巴闭，唔介绍雪糕不突止，仲要大大声笑，到我叫杯雪糕喇，就喝叫：「42蚊丫!」 请问贵店系咪冇培训过d员工？整雪糕𠮶个仲过分，唧完杯雪糕，先发现配料（椰子肉）未预备好，由得杯雪糕摊喺度，再慢条斯理整所谓嘅「氮气」，整完以为有咩咁巴闭，咪又系椰子肉？ 雪糕已经溶咁一大半，先再插d饼、椰子肉上去，卖相已经好核突，我相信佢都知，但系就照俾客人。我去嘅时候得我一位客人，舖头一d都唔忙，点解唔可以俾心机整杯雪糕出黎呢？呢点真系好令人失望2. 雪糕质量差劣$42一杯雪糕，你收得起呢个价吗？ 我系食「地牛牛」，头先讲过卖相已经好样衰，求其插d配料上去就扮人地韩国雪糕已经笑大人个口，除左卖相，仲好难食，雪糕唔幼滑，太甜，个椰子肉喷完「氮气」变左冇味嘅椰子肉。好少雪糕可以用难食黎形容。建议店主出去试多d其他店嘅雪糕，再检讨自己卖紧嘅有几咁过分。相信唔止我一个，好多人都唔会再食第2次。雪糕车$9 杯都仲有质素过你。