熊貓小雲吞 (西九龍中心)

营业中

休息中

是日来到西九的熊猫小云吞，想试下佢嘅云吞同饺子，分店不大，大概30个座位左右啦，目测只有一位店员负责收银同楼面，另外厨房有两人，小店十分忙碌。见咁忙，就坐低用手机扫枱上qr code落单啦，但手机餐牌同柜面餐牌有出入，食物大致相同，只系叫法唔一样啫。⭐芫茜豚肉饺子先来份饺子，要咗芫茜口味，冇失望入口真系几有芫茜味，皮有咬口馅料多，点埋个醋同辣酱真系几好食😋⭐一口韭菜豚肉云吞再嚟咗份20只嘅小云吞，今次要韭菜口味，韭菜鲜嫩冇揸，一口一只小云吞啱啱好，仲有个原味鲜鱼汤都几正呀。⭐麻辣手撕鸡川式凉面仲有川式凉面一客，主菜系麻辣手撕鸡，另外仲配咗凉拌海带丝、手拍青瓜同香辣菜脯。凉面要咗中辣但都唔够辣㖞，加啲枱面上嘅辣酱捞一捞先😋⭐招牌手工凉皮追加一份手工凉皮，同食开嘅凉皮外貌唔同，但呢度都好好食，有咬口加上麻麻辣辣好惹味。⭐熊猫红糖冰粉最后仲有红糖冰粉，有花生碎、提子干同酸梅酱（？），个酸酸甜甜嘅酱汁唔知用咩做呢😆几好味㖞。食咗咁多辣嘢，饮返碗甜甜哋又冰冰凉凉嘅红糖冰粉，真系好正。除咗嘢食嘢饮可以外卖之外，小熊猫嘅酱料、菜脯、花生同炸黄豆等都有樽装可以买走㗎。