植幕宵 (已易手) 新餐厅

上网见啲食家话呢间虾拉面好掂，今日去开尖沙咀，就记得要黎试下。去到舖头对面街，见到落左闸，好失望，行过去闸前睇下张告示讲咩，原来搬左对面街，即系正正我地头先企果个位置。好彩行过去望一望，唔系就走宝了！舖头唔大，咁岩都仲有张人枱，所以可以即刻入座。店员细心话今日净系虾拉面，其他款式都冇晒。冇所谓，我地原先都谂住系食虾拉面，另外仲加左个酱油青口小食。先讲拉面，店员放低拉面后，会喺你面前落虾油，落完之后已经闻到好香虾味。食面前先饮啖汤，好浓郁，同埋个汤好杰身，仲有啲虾米粒。拉面本身唔会煮到好淋，够爽口。最欣赏系面入面两只虾，虾身已经脱晒壳，肉质鲜嫩，弹牙。酱油青口反而冇咩惊喜，酱油有少少辣辣地，都好食既。我地冇额外叫饮品，食完面过左两个钟，都唔口渴，证明冇落味精，非常欣赏。去开尖沙咀既朋友，不妨一试。