有骨氣火煱專門店 (已結業)

早几日黎左呢间食店到打边炉, 全因为信用卡有优惠, 加上师傅从来都未黎过, 讲就讲到好好咁, 于是决定去试一试!九点后去到, 一坐底伙计即刻问你有冇DBS信用卡, 如果有就可以要任食自助餐, 一问之下原来九点后只系六十八蚊位, 好似好抵食, 于是任食就任食啦! 再同个伙计话要茶, 佢就好直接咁同你讲开茶要比八蚊一位, 如果唔开就唔使比, 咁师傅见佢咁为我荷包著想, 唯有认真考虑!好决定拣个汤底先, 要左沙爹汤底, 跟住就样样都叫d黎试下啦, 有雪花肥牛, 牛柏叶, 四宝丸, 炸鱼皮, 鱼皮饺, 云吞等等等等......样样都有叫, 但系咪以为佢会比好多份量你, 有几多个人头, 佢就比几多你, 如果唔够咪唯有再入单啰! 但系师傅又食唔到边样出色, 比较好系雪花肥牛, 因为切得好薄, 而且几肥, 拖一拖即刻食得, 牛肉好松都几香, 有牛肉味, 可以啦; 牛柏叶就好爽口, 配埋沙爹汤底就非常入味, 都可以啦; 而沙爹汤底都几香几浓, 但就唔算辣, 都唔唔差; 其他真系好普通!总括而言食物质素一般, 环境又系一般, 服务又系普普通通, 系就系六十八蚊位, 另加汤底, 而每位仲要加十蚊酱油, 再