泰海鮮 (已結業)

眨眼又一年，到左龙舟水嘅月份，特登去睇朋友玩水，然后一齐行一阵海旁再去食海鲜，三圣海鲜性价比高，去朋友食开嘅泰海鲜，食乜嘢由佢话事。一班人可以试多啲嘢食，食得好丰富每人都唔使$500。海鲜汤热辣辣嘅海鲜汤饮落鲜甜，汤渣就睇得到有几丰富啦！有鱼、赖尿虾、蚬仔同埋蕃茄薯仔。豉油皇鲍鱼鲍鱼够晒弹牙，新鲜肉厚，加上豉油皇味道更加提升。泰皇芝心虾丸一咬落去有爆汁嘅感觉，外面一层脆卜卜嘅面包粒，芝士汁味道浓郁，虾肉Q弹，美味可口。青山湾焗龙虾青山湾出名食龙虾，面层焗得香脆可口，淡淡的芝士味，龙虾大大只肉嫩细致。白酒忌廉煮花甲乌冬底白酒香气扑鼻，忌廉汁 creamy, 感觉新奇味道清甜，花甲大只有肉吃，忌廉汁乌冬好饱肚。油盐焗奄仔蟹 呢个真系食到舔舔脷，奄仔蟹 的蟹膏多到要爆出嚟！以油盐焗 令到每一啖嘅味道都更加有层次，食得到蟹肉本身的原汁原味。 豉椒蛏子皇米粉底蛏子皇入口够新鲜冇腥味，米粉底两面都煎得好脆，伴豉椒汁非常惹味。招牌炸子鸡至于唔敢食太多海鲜嘅朋友，招牌炸子鸡就啱晒佢哋啦！皮脆肉嫩又多汁，好味道。虽然未到端午节，但系三圣邨已经好有气氛了，下个月再嚟打气！