漁火海鮮刺身火鍋

营业中

休息中

约咗朋友出嚟晚饭聚旧， 想静静地倾吓偈但又想打边炉， 拣咗一间比较质素较高又唔系任食嘅火锅店。餐厅主攻 比较高级嘅火锅配料，海鲜， 刺身鱼生等等。先来调教好自己喜欢嘅酱料， 最后加上白芝麻和麻油超正！拣咗《胡椒猪肚汤》并《蕃茄薯仔粟米汤》。 胡椒猪肚汤，奶白色嘅汤底浓郁， 充满胡椒嘅辛辣， 相当惹味。 汤里亦有颇多猪肚，萝卜，杂菇， 非常足料够诚意！油甘鱼腩鱼味较清， 肉质细嫩结实， 鱼油唔重但系都有回甘嘅甜味， 师傅切嘅厚度啱啱好， 口感一流。美国顶级桶蚝目测有六只大大嘅桶蚝， 肥美饱满， 蚝味浓， 放在胡椒猪肚汤里更能凸显其鲜味！水库鱼头喜欢吃鱼头的朋友通常 在吃火锅时候都会点选， 唯独每次都比较细件多骨。 但今晚这道水库鱼头非常新鲜， 唔腥， 大大个鱼头肉很多， 我们都吃到相当满足！手切本地牛颈脊份量一啲都唔精品， 色泽鲜明，且绝对系手切，因为每块大细也不一样，厚薄亦有少少差别。 牛味够浓， 肉质嫩滑， 同时间嚼到少许筋腱同牛脂， 滋味无穷，牛迷绝不能错过。嫩绿嘅油麦菜， 洗切得非常干净。餐厅嘅座很舒适，尤其是卡座， 椅背设计得较为高， 够私隐，坐低后见唔到其他卡座嘅人。