Abbraccio

呢间餐厅喺大馆对面，有室内同室外座位，室外座位有好多灯饰点缀，几浪漫，今日天气几清爽，我哋就坐喺室外，欣赏住大馆嘅美景食野✅鸡肉沙律（$158）呢个鸡肉沙律卖相好吸引， 3块大大片睇落好嫩滑嘅鸡胸肉真系好好味，慢煮鸡肉口感好嫩好多汁，加埋香甜嘅蕃茄、清爽嘅洋葱，味道更丰富，最正系上面𠮶层24个月格拉纳帕达纳芝士，好香好浓郁，同其他材料一齐食更加出色，最后再加埋少少意大利香醋，提味清新，真系健康又好食🤤✅海鲜意大利粉（$218）呢碟海鲜意大利粉好足料，有青口、鱿鱼、海虾同蚬，全部都新鲜靓味，好满足嘅鲜甜口感。意大利面煮得刚刚好有啲弹牙，同海鲜组合得天衣无缝。仲有白酒香气同辣椒片嘅微辣味道，令呢碗意大利粉更加特别。每一口都带尝到海鲜嘅鲜味同面条嘅滑顺口感，够晒惹味✅四式芝士pizza（$218）呢款四式芝士薄饼真系芝士控嘅最爱！拿铁芝士、戈贺佐拉芝士、阿西雅格芝士同24个月格拉纳帕达纳芝士组成一个超正嘅芝士组合。每款芝士都有独特嘅味道同质感，拿铁芝士香浓奶味，戈贺佐拉芝士融化口感，阿西雅格芝士微咸微甜，再加上24个月格拉纳帕达纳芝士嘅浓郁奶味同咸香, 再加上呢个Pizza饼底松软烟靭， 令