頭啖湯

营业中

休息中

今日试一下系天后同炮台山交界嘅打边炉 - 「头啖汤」。铺位唔算大 但有汤底有d 特色 。素菜佢有百菌煲 ，辣有重庆麻辣鸡 ，仲有面包蟹蕃茄煲，而我地最后就叫左滋润椰子鸡煲 （半只）。 火锅料我地就叫左牛肩胛（半分）、白鱼蛋同芝士、墨鱼滑 、炸鱼皮、冬瓜同油墨菜 。等左一阵 ，好快就上左个椰子鸡煲 。开一开个煲盖睇 见到都好足料。汤底系奶白色，有纪子 、金针花、云耳、仲有d 菇 同好多件鸡系入面。 滚左一阵 ，拿拿林拎个碗去饮少少椰子鸡汤先 。 一饮果然系靓汤 ，味道好浓 仲有好香椰味 。其它火锅料好快陆陆续续送到。速度都几快。牛肩胛块块大小均一 ，刀功几好 。 牛肩胛因为唔系脂肪多嘅部份 ，但系就肉味浓。但滚起上黎都考功夫。太快就唔熟 ，耐少少都易老。所以最好要睇住一块一块咁滚，放落去唔理你实后悔。丸方面我地觉得个鱼蛋系有惊喜。好弹牙下 。芝士丸就一般。炸鱼皮就正， 佢系大块完整嘅，唔系d 又细又碎𠮶d 。滚一两下，吸少少汤 。真系一流。仲有墨鱼滑，好夹个汤底。墨鱼滑吸晒椰子鸡汤嘅香味 ，变得更加好味。冬瓜其实佢都同墨鱼滑有异曲同功之妙 。吸晒d 汤味 。