牛摩+ (上水廣場) (已結業)

上水广场新开左一系列嘅食肆，牛摩系其中一间，当中装修用上多色既现代风为主调。场内有多款自取食物、饮品同甜品，而添加牛就可以用QR code下单，由店员奉上。每个层次嘅牛同时段，都会有唔同收费，丰俭由人。我点左一个中价位嘅牛小排海鲜四点盛，牛嘅质素已经相当唔错！菜类精选左极具营养价值嘅羽衣甘蓝，配上寿喜烧汤底，绝对可以带出菜嘅甜味！牛方面，除咗牛小排，当然要点多几款，美国和牛毕竟有油脂较多，口感嫰滑，令我回味无穷！而钟意牛味浓嘅就较推荐牛小排，墨鱼滑都系必点item!丸类会推荐具泰国特色嘅冬阴功虾球，里面浓郁嘅酱汁，极具泰式风味，非常惊喜！主打牛之外，亦都非常欣赏呢只蚝，大粒之余完全唔腥，非常有咬口！甜品环节，实在有太多选择，最终选择左自己喺机器拉出嘅朱古力味嘅雪糕，上边仲可以因应个人喜好加上脆脆，估唔到咁香浓好味！