喫茶ちょうぼ

营业中

休息中

铜锣湾世贸中心呢间日式餐厅装修环境超靓😍打卡一流👍👍👍星期四晚餐厅唔算多人，同朋友食饭倾计好舒服，环境好好！佢有好多秋季限定食物，今期好多蟹既菜式。有两碟小前菜，味道都唔错。紫薯牛乳抹茶麻糬沙冰两杯都觉得麻麻🥺🥺紫薯牛乳非常淡，完全冇紫薯味、连少少奶味都冇，唔知饮紧咩🥲抹茶麻糬沙冰上面有粒细细嘅麻糬，抹茶同沙冰好似唔系好夹，味道都系偏淡。蟹黄膏蛋包饭$172，未切开时卖相几靓，但唔记得影🤣蛋香滑、入面系炒饭，个蟹黄味道都系好淡，正正常常，但唔觉得好好食🫣🫣炸软壳蟹扁意粉$98，软壳蟹超大只，热辣辣脆卜卜，不错👍仲有两粒带子，意粉就系普普通通嘅卡邦尼意粉。桂花乌龙布甸戚风蛋糕成合$115卖相打卡一流，超有秋天嘅感觉😍😍个布甸几好食，戚风蛋糕就正正常常普通。整体嚟讲餐厅环境很好，下次可以试下其他款式既蛋包饭可能会更好。