影片
更多
2021-12-12
73 浏览
出左长沙湾送货，搞掂后就到附近揾食，见到有间香港人冰室，作为香港人梗系要帮衬下。店内不大，七点几去到约八成满坐，同朋友坐左呢张大壁纸下的卡位，两个人坐都几濶。点了两份晚餐再加左个羊腩煲，期待中～朋友点左红豆冰，红豆不过甜，软腍得黎有部份又硬硬地，特登咁样增加口感？几得意㖞。自己点左雪山阿华田，之前去过另一间冰室个雪山阿华田太失望，今次试下呢间得唔得先，个卖相就好得啦。阿华田够晒浓郁又唔过甜，上面加咗胚芽同五谷粉，多咗阵麦香又有口感，好饮㖞。晚餐有例汤送，今晚系红萝卜猪骨汤，好甜好好味，最正系够晒热，靓汤热饮系最正㗎。餐牌写住羊腩煲送生菜，但我估无晒生菜送左菜心？超大条菜心，仲长过个煲，哈哈，夹硬塞佢落个煲度，吸左羊腩煲啲油好味呀。今晚主角羊腩煲，虽然系一人份细细煲，但都好足料㗎，入面满晒唔系得啲汁。羊腩有好几件，无认真数，一人都食左几件啦。全部大大件，软腍入味，但皮同脂肪真心正，入口即化。其他配料有冬菇，马碲，枝竹同笋等，好味好味。唔少得点埋个腐乳酱，灵魂呀～晚餐叫左鸡油炒豆苗，好大碟，真系好大碟，自己出去买一斤炒起都无咁大碟！鸡油炒够香口，条条嫩叶好好味，抵叫呀！另一味叫左酱爆尖椒五
店内不大，七点几去到约八成满坐，同朋友坐左呢张大壁纸下的卡位，两个人坐都几濶。点了两份晚餐再加左个羊腩煲，期待中～
朋友点左红豆冰，红豆不过甜，软腍得黎有部份又硬硬地，特登咁样增加口感？几得意㖞。
自己点左雪山阿华田，之前去过另一间冰室个雪山阿华田太失望，今次试下呢间得唔得先，个卖相就好得啦。阿华田够晒浓郁又唔过甜，上面加咗胚芽同五谷粉，多咗阵麦香又有口感，好饮㖞。
晚餐有例汤送，今晚系红萝卜猪骨汤，好甜好好味，最正系够晒热，靓汤热饮系最正㗎。
餐牌写住羊腩煲送生菜，但我估无晒生菜送左菜心？超大条菜心，仲长过个煲，哈哈，夹硬塞佢落个煲度，吸左羊腩煲啲油好味呀。
今晚主角羊腩煲，虽然系一人份细细煲，但都好足料㗎，入面满晒唔系得啲汁。
羊腩有好几件，无认真数，一人都食左几件啦。全部大大件，软腍入味，但皮同脂肪真心正，入口即化。其他配料有冬菇，马碲，枝竹同笋等，好味好味。
唔少得点埋个腐乳酱，灵魂呀～
晚餐叫左鸡油炒豆苗，好大碟，真系好大碟，自己出去买一斤炒起都无咁大碟！鸡油炒够香口，条条嫩叶好好味，抵叫呀！
另一味叫左酱爆尖椒五花腩，预期佢会辣辣地原来无，啲椒唔辣嘅，高温迫哂五花腩啲油出黎，嘅碟好甘香好惹味，超啱下饭。
跟餐有白饭送，叫左咁多𩠌佢左店家少饭，哈哈，嫌唔够食可以叫多饭㗎。
两个人三百几蚊抵食呀，好好味仲劲饱添，食完暖笠笠好满足。
张贴
