魚蛋佬

营业中

休息中

排咗半个钟有多，以为人龙等于质素保证，点知一摆落口就发现中晒伏。叫得做鱼蛋佬，串鱼蛋一啲特别嘅地方都冇，又淋又冇鱼味。反而牛丸质地正常，不如改名做牛丸佬。⭐️重点系，个个吹到晓飞嘅沙嗲/咖哩汁（我食完都唔知佢咩嚟）系超级难食，一阵死咸，只会令人食到好口干。而且最基本，鱼蛋汁有分辣唔辣是常识吧，佢够胆死得一个汁，冇得拣辣度，成件事非常求其。真心奉劝大家，唔好浪费时间排呢间严重过誉嘅舖头。太安楼大把好嘢食，完全理解唔到点解呢间鱼蛋佬会系排最长龙嘅一间舖。