素年 (福隆大廈)

营业中

休息中

呢日约咗女朋友到深水埗试下特色餐厅，女朋友推介咗Lonely Paisley 土耳其餐厅及素年fusion日式素食，因为假期怕人比较多，预算睇下边间有位就试边间，两间位置相近就在斜对面，最后我哋两间都试晒，先到lonely Paisley土耳其餐厅High Tea饮嘢试下小食影下相，再来素年食正餐，完全无谂过素食可以做到咁真实有惊喜，非常完美一次美食约会。日式咖喱吉列猪扒意大利饭，素猪扒非常松脆，意大利饭烟勒度适中，日式咖喱浓香而唔辣，仲有大量鸡脾菇，车厘茄同芦荀，份量非常足够，真心好好味。不可能TM汉堡饱，火箭菜，厚厚汉堡扒加埋车打芝士好正，仲有牛味，完全食唔出系素汉堡扒，另外薯条应该用咗日本红薯做，外脆内软非常甜，必食非一般薯条。　Latte Coffee 哈哈，拉花欠操练，泡沬唔够细致，味道还可以。其间有一点员工唔够细心，我哋都未食晒碟饭，佢问都无问就收咗，令人有点反感，完全明白佢哋要开始准备晚市客，但基本礼貌必须的，不过整体推介。