Futago HK大阪燒肉

营业中

休息中

自从上一间分店结业之后一直期待几时会重开，终于等到了！难得有人生日就直接订位了。新张期内仲每人送一杯饮品或者一款前菜，所以我们三个都叫左杯酒精饮品。寿星大人同我都系牛精，所以叫左好多款唔同部位的牛。有部分牛会有专人帮忙烧，而且会问你想要几成熟，可以个个唔同，配合大家口味。我自己最钟意系牛胸腹同牛舌，寿星大人就钟意牛柳同牛肋肉。另外大得惊人牛小排面积真系好大，可以一次过试到唔同的部位，不过块牛其实好薄，冇想像中咁大满足，但一试无妨，记得订位时要留定。另外一本壶渍牛肋条都好特别，系壶入面有两条牛肋条，份量十足！不过腌过的肉类同酱料都偏咸同浓味，略为掩盖左牛肉本身的味道，可以的话选盐烧更能品尝牛肉的味道。我们还要了蔬菜盘、海鲜盘同海胆玉子饭，都非常新鲜很好食。服务员的服务态度都非常好，上菜速度就因为受限于烧个炉每次烧得唔多野，所以一定会慢啲，适合慢慢食倾下计。