香港仔君豪魚蛋王 (已結業)

好多人都话呢间粉面好好食，咁啱得咁桥行过呢头，就入去食下睇下好唔好味。舖头个门面大大只字写住鱼蛋王，好就入去食一碗鱼蛋，睇下系咪真系可以称王！？个菜单揸上手 "黐立立" 的觉得唔系咁好。冻柠檬茶，茶底唔系好够香浓，柠檬都唔系好够味，我觉得唔好饮。我叫咗碗 "鱼蛋拼墨鱼丸鱼面"，话明鱼面，应该就系用鱼肉做嘅面，我觉得呢个鱼面鱼味不足，只系面粉多过鱼肉; 鱼蛋好淋，都唔系好够鱼味; 墨鱼丸都系好一般的货色，墨鱼味不足，又唔够爽口。味道真系好一般，请问凭乜嘢称王？