Aqua

营业中

休息中

难得我同埋太太二人世界庆祝圣诞节，梗系要食餐好㗎啦。于是我就拣咗呢一间餐厅，点知我大懵唔记得咗带优惠咭，虽然我同接待处讲可唔可以凭会员名享受优惠，但点知遭到佢冷淡拒绝，话一定要有实体卡先得..唔紧要啦一年一次圣诞餐…无计。我同太太去到餐厅，佢哋安排坐窗边位置，个景望晒维港全景，无得弹。讲返𩠌菜，我哋嗌咗两个signature menu。头盘系鱼肉羹，鱼肉加蟹肉嘅口感唔错，味道清淡，会抢咗其他头盘嘅味道。四款小食最令我印象心刻系吞拿鱼鱼子酱同埋海胆饭团。海胆饭团嘅海胆用少少煎香咗嘅蒜蓉捞埋一齐，虽然少咗份海水嘅味道，但系就多咗阵香味。佢size俾食客一啖一口，正！另外吞拿鱼配搭鱼子酱再加埋上汤啫喱简直就系完美。生蚝同样咁出色。另外意大利饭嘅味道辣辣地，好醒胃。主菜我哋嗌咗一个石烧和牛同乳猪仔，表现合理。最后甜品系芝士蛋糕，整体感觉肥而不腻。讲返啲服务，我觉得佢哋嘅服务都好好。勘水抹枱、换碗碟都好快手。帮我哋影相仲会帮手打灯。所以今次价钱系有啲贵，但系我觉得性价比算系相当好，值得推介。