Jack's Terrazza Ristorante

营业中

休息中

因为唔系好熟路，同埋Google map个地址好似错错地，所以果日就whatsapp左店家询问下有冇营业。但后尾因为太肚饿既关系是但揾左间食，食完又好似唔饱，就再whatsapp问下店家地址，谂住再食过，同埋都想睇下呢间店，因为睇相，好似好靓。店家好快就回覆我，仲话可以系小巴站黎接我地带我地过去，哗！真系受宠若惊，香港会有呢d服务！5星级酒店都未必有啦，唔加钱既话。所以真系好多谢店家，但都决定自己揾下先。小巴站同餐厅非常近，行一阵就见到啦。佢地仲预备左最近live band既位置俾我地，可以听下歌，又食下野。因为晚上既关系，加上疫情原因，人数唔多，地方够哂大。但因为岩岩食完野都叫唔到好多野食，叫左个海鲜拼盘，洋葱汤。比较难忘系个洋葱汤，够浓味！店员仲好细心等我食完冷盘先上汤。仲有就系d餐包好好食，店员仲俾左两款我食！同埋睇到神奇既经理表演用碟切烧猪。经理仲话我地可以点歌架，不过我有d唔好意思，冇点到，唔个点咩歌好。呢度食客同员工既关系好好，气氛好亲切，得闲既话一定会再黎。