影片
更多
2022-09-23
1541 浏览
位于港湾道新鸿基中心嘅貊炙MAEK JEOK, 我留意咗佢好耐啦😌 佢装修得好靓，系我最钟意嘅木系加上黑色拼血橙色风格，有一种高级嘅氛围😎 今晚终于去试咗佢哋嘅韩式熟成牛盛宴，成个过程都好享受😌去韩式扒房梗系要饮杯嘢先啦， 由于揸咗车， 我就点咗佢嘅House blend咖啡☕️ 唔算好浓但系好香滑，我朋友就叫咗杯Sweet dream🍸 甜味较重嘅酒，两杯都好满意🥰 揸车嘅朋友黎其实好方便，因为新鸿基中心已经有停车场🅿️点咗个House Dry Aged Steak餐， 性价比好高，$680 一位😊 未食过熟成牛肉既我非常期待😆🌟韩式前菜餐厅首先上季节沙律、传统前菜、生伴泡菜、包饭酱及生菜，最钟意系佢嘅生伴泡菜，清爽，香辣，好开胃🫶🏻🌟泡菜生蚝卷•酱油盛盒泡菜同生蚝🦪 呢个组合有惊喜🤩 泡菜包住半生熟嘅生蚝同埋清爽嘅蔬菜， 先有泡菜香辣后有蚝嘅独特香味🫶🏻酱油盛盒有牡丹虾同埋鲍鱼， 鲍鱼做得好好，好入味，里面仲系有好新鲜嘅刺身感觉😎 食鲍鱼刺身最忌就系好韧， 呢个口感做得刚刚好🫶🏻 牡丹虾嘅味道绝对唔比酱油蟹差， 牡丹虾嘅虾膏虾肉同韩式嘅酱油好夹，鲜味爆灯🤩🌟熟成带骨肉眼650g我都做过
去韩式扒房梗系要饮杯嘢先啦， 由于揸咗车， 我就点咗佢嘅House blend咖啡☕️ 唔算好浓但系好香滑，我朋友就叫咗杯Sweet dream🍸 甜味较重嘅酒，两杯都好满意🥰 揸车嘅朋友黎其实好方便，因为新鸿基中心已经有停车场🅿️
点咗个House Dry Aged Steak餐， 性价比好高，$680 一位😊 未食过熟成牛肉既我非常期待😆
🌟韩式前菜
餐厅首先上季节沙律、传统前菜、生伴泡菜、包饭酱及生菜，最钟意系佢嘅生伴泡菜，清爽，香辣，好开胃🫶🏻
🌟泡菜生蚝卷•酱油盛盒
泡菜同生蚝🦪 呢个组合有惊喜🤩 泡菜包住半生熟嘅生蚝同埋清爽嘅蔬菜， 先有泡菜香辣后有蚝嘅独特香味🫶🏻
酱油盛盒有牡丹虾同埋鲍鱼， 鲍鱼做得好好，好入味，里面仲系有好新鲜嘅刺身感觉😎 食鲍鱼刺身最忌就系好韧， 呢个口感做得刚刚好🫶🏻 牡丹虾嘅味道绝对唔比酱油蟹差， 牡丹虾嘅虾膏虾肉同韩式嘅酱油好夹，鲜味爆灯🤩
🌟熟成带骨肉眼650g
我都做过啲资料搜集， 呢间餐厅用咗干式熟成， 大约做咗30至45日， 熟成牛成本高嘅原因系熟成过程中有部分嘅肉会耗损，不能食用， 更显珍贵🫶🏻 餐厅职员奉上牛扒时，真系令我眼前一亮，因为份量好大😍 职员仲帮我哋烧牛扒，整个体验都好享受😌 配洋葱豉油， 芥辣或者海盐都好夹👍 味道方面真系同新鲜嘅牛扒唔同，由于过程中会产生嘅酵素令肉质更加嫩滑， 肉汁浓缩咗， 仲会带咗啲蓝芝士嘅香味，好好味🥰 未试过熟成肉类嘅朋友真系要试🫶🏻
🌟餐后五小碟
第一次食水泡菜，一试爱上🤩 酸酸地嘅冻汤汁配淡味嘅泡菜， 绝对开胃， 解腻之余仲会增加食欲🫶🏻
🌟主食
我哋拣咗大酱汤同埋熟成肉炸酱面，热辣辣嘅大酱汤几时食都咁正😎 熟成肉炸酱面系拌面， 都好好味，虽然好饱但系都食晒😆
🌟甜品
虽然好饱🤰但系都要叫甜品为呢一餐划上完美句号🥰 我哋叫咗意式经典提拉米苏， 估唔到韩式餐厅都做得咁好😍 朋友叫咗个特浓芝士蛋糕， 甜度唔算高，质感香浓，卖相又靓又好味😋
餐厅环境真系好好， 服务一流， 我听到好多枱都系熟客仔， 证明系一间好有质素嘅餐厅👍 走之前都专登影一影佢哋个干式熟成柜， 牛肉都有好多唔同嘅部位而且餐厅里面都有其他熟成嘅肉类，例如鸭胸同猪肉等等。 气氛好、环境好、味道好、款式又多。 我当日食系全场爆满，大家记住要试下同预早book位啦🫶🏻
张贴
