So Bar (已結業)

自己一直以来都好钟意去食海鲜，平时去酒吧，都会专拣一啲有海鲜食嘅就酒吧。之前去开苏妈，都只系会去食佢哋嘅肉骨茶，因为肉骨茶喺香港来讲，苏妈算系较正宗。冇耐之前，佢哋开埋酒吧， 冲调嘅饮品都系马拉风味为主。另外佢哋亦都推出咗Seafood Platter。我系为海鲜而黎，对上一次咁样食法，已经系好几年前系葡萄牙食嘅一大盘。$299其实唔贵，因为佢有龙虾、带子、鲍鱼等等。色落去嘅时候系非常新鲜，亦都有海水味。一大盘送上黎，最吸引我嘅一定系佢哋嘅大子，大大粒，餐厅仲特登送上咗Wasabi，摆明就系刺身嘅级数。鲍鱼亦都非常吸引，味道好清同好鲜。最后当然唔少得系叫呢度嘅饮品，我叫咗一杯Durian，系猫山王鲜榨配上唔同嘅酒精，味道浓郁；另外亦都叫咗一杯Choco Split，很甜，非常不错。