影片
更多
2021-10-03
14 浏览
平时同朋友出街食饭多数都系食日本菜或者西餐，会陪我食中菜嘅朋友唔多🙈今次难得约到朋友食四川野，当然要好好刷一餐😋川粤时光位于铜锣湾V point嘅28楼，可以望到部分维港海景，景色非常唔错。餐厅嘅装修以绿色为主，成个感觉既摩登又豪华。✨蒜泥拍青瓜（$66）我经常都会点嘅一道开胃凉菜，味道属于正常发挥。青瓜清新爽口，再加埋蒜泥同酥去凉拌，非常消暑。✨酸辣鱼皮（$92）呢款凉菜我系第一次食，感觉较为新鲜。同样加左醋去凉拌，味道酸酸辣辣；鱼皮嘅口感弹牙，味道唔错。✨凉拌秋葵（$88）秋葵我平时好少食，但今次朋友话想食，就一齐试下。呢款凉菜比起前两款味道更重，食落味道同样带点酸辣；秋葵本身有种滑溜嘅口感，成个感觉都几得意。✨水煮滑牛肉（$268）呢个价钱系例牌嘅份量，但绝对系落足料，份量比想像中多。水煮牛入面除左牛肉外，仲加左荀、芽菜、青瓜同寛粉等嘅配料。牛肉方面用左处理过嘅滑牛，口感非常嫩滑，完全唔需要费力去咬。汤底麻辣度十足，配埋烟烟靭靭嘅寛粉去食，令人停唔到口。✨黄金南瓜（$108）以前去北京exchange 嘅时候食过非常好食嘅黄金南瓜，番到香港一直想揾番同一种味道，但好多餐厅都冇呢道
川粤时光位于铜锣湾V point嘅28楼，可以望到部分维港海景，景色非常唔错。餐厅嘅装修以绿色为主，成个感觉既摩登又豪华。
✨蒜泥拍青瓜（$66）
我经常都会点嘅一道开胃凉菜，味道属于正常发挥。青瓜清新爽口，再加埋蒜泥同酥去凉拌，非常消暑。
✨酸辣鱼皮（$92）
呢款凉菜我系第一次食，感觉较为新鲜。同样加左醋去凉拌，味道酸酸辣辣；鱼皮嘅口感弹牙，味道唔错。
✨凉拌秋葵（$88）
秋葵我平时好少食，但今次朋友话想食，就一齐试下。呢款凉菜比起前两款味道更重，食落味道同样带点酸辣；秋葵本身有种滑溜嘅口感，成个感觉都几得意。
✨水煮滑牛肉（$268）
呢个价钱系例牌嘅份量，但绝对系落足料，份量比想像中多。水煮牛入面除左牛肉外，仲加左荀、芽菜、青瓜同寛粉等嘅配料。牛肉方面用左处理过嘅滑牛，口感非常嫩滑，完全唔需要费力去咬。汤底麻辣度十足，配埋烟烟靭靭嘅寛粉去食，令人停唔到口。
✨黄金南瓜（$108）
以前去北京exchange 嘅时候食过非常好食嘅黄金南瓜，番到香港一直想揾番同一种味道，但好多餐厅都冇呢道菜😢难得今次呢间有得食，当然要叫黎试下。南瓜嘅味道同咸蛋黄本身就好夹，可惜嘅系呢度嘅南瓜煮得太淋，食落口感偏向似南瓜蓉多啲，冇左果种应有嘅香脆口感，同回忆中嘅味道比都系差一截。
✨红糖冰粉（$48）
最后叫左碗红糖冰粉解下辣，上面加左花生粒同西瓜，味道非常清甜。
张贴
