永年士多 (奧海城2期)

营业中

休息中

以前喺元朗食过，已经觉得名气大，但味道不外如是。当日想食车仔面，睇到奥海城竟然有，即刻试下事隔多年味道有无改进。晚上八点几，好多简单嘅款式已经无得拣，拣左个大碗面。买完之后又话我听无晒猪红，可以换豆卜或者菜肉饺一粒😖已经好失望，每次食车仔面最想试猪红系点。汤底我明明拣中辣咖喱，但食落似大辣辣酱，我见已经食左就算喇😮‍💨😮‍💨水鱿鱼好硬，好耐未喺香港食过水准咁差嘅。陈皮鱼蛋唔知点解都可以比街边腥。大肠都煮得唔够软腍，好似食超弹嘅香口胶咁。菜肉饺不如超市急冻的。萝卜可能唔当造，带苦。最正常可能系条菜心同埋猪皮。普通屋村嘅车仔面都无咁求其同难食，唔信嘅话买碗细嘅试下就好了。