阿媽靚湯 (已結業)

以前有帮衬开呢间野，觉得碗汤好好饮，虽然啲食物不嬲麻麻地。今晚突然好想饮汤，就帮衬啦。外卖左个菜芯炒肥牛，侍应有问我加唔加钱换炖汤(原来依家有炖汤!?) 我要普通汤算啦，因为以前觉得好好饮。打开碗汤，汤渣都无条，成碗好似沟水咁淡到痴线，姐系想焗人加钱转炖汤啦！！！好过份啊… 饮两啖已经放弃，咁嘅生意手法真系好赶客。食物方面都无乜期待架啦，菜芯好老又多渣，肥牛柴，一向都系呢个质素。食到好灰，唔会再帮衬。