銀杏館 (已結業)

星期六订咗7点,6点40分左右到咗餐厅,唔驶等位,记得3月5日去过尖沙咀某法国餐厅食晚餐,但同太太都觉得有D失望，谂起made in hong kong李志刚介绍过呢间餐厅,所以同太太决定一试。我哋点咗过$888二人套餐,此餐原先情人节推出。先嚟二小杯红色嘅花茶,好好饮,好开胃。带子好好食,D汁调得好好。另外有蚬汤及龙虾汤,味道非常之好,太太叫咗羊汤,羊味好重但一D(so)味都无,好嘢,香草包好食到难以形容,其实仲有D菜式,但唔记得咗,主菜我点咗牛扒配鱼扒,唯一鱼扒唔够热,牛扒7成熟非常好食,血水收哂,牛味好重,赞,牛扒系我食过咁多间餐厅最好嘅一间,太太点咗羊扒配鱼扒,羊扒一D(so)味都无,好好食。甜品就系生果点朱古力桨,赞,有一支小蜡烛庆住D朱古力桨,跟住系伯爵茶。埋单$977,我比咗$23贴士,齐头$1000。因为service实在太好。