Oyster 18 (已結業)

呢间野开左一排，但一开始好似唔做午市，近来见佢开午市，就谂住试下啦，门面都几靓。12点去到冇人唔洗等位亦正常，坐低就有牛油，个包等左一阵先送到，系唔热又好普通既荼餐厅包，我叫左沙律做前菜，沙律普通唔系靓野。主菜叫左肉眼扒要medium，上菜就系一块唔系几靓既牛扒，一切就知大获，切唔到，熟过鬼，香口胶咁既质地，个伴碟薯仔又系冻冰冰，盛为$88。有咖啡或甜品旦糕，睇佢咁既样咖啡都唔方好，叫左个朱古力旦糕，呢个仲劲，原来系沙利旦糕整酱...我明白一个88既午餐唔应该要求乜野，但呢88我认为差过系荼餐厅既88,亦绝对唔值得呢个价钱，我唔知佢晚市系点，午市就绝对唔洗去食，天后仲有选择。