米走雞Live

营业中

休息中

𠮶日晚饭时间见到一间餐厅门口排咗条好长嘅队，就好奇咁行埋去睇吓，原来系一间鸡煲火锅店，我同男朋友决定喺呢间餐厅试吓。由于我哋得两个人，所以都唔使等好耐就可以入座。餐牌上真系好多选择，都唔知拣啲乜嘢食，就随便点咗几样菜嚟来试吓。首先我哋点咗金汤桃胶花胶鸡汤，汤系用新鲜食材熬制而成，唔单止卖相令人垂涎三尺，味道更加鲜美清甜，而且好回味，激发咗我哋嘅食欲。鸡肉都好完美咁保持住鲜味同口感，滑嫩入味，又香又好食。我哋仲试咗佢哋嘅青花椒牛脷，爽口弹牙鲜甜嘅口感，配上青花椒，味道清香麻味重，增添咗牛脷另一种风味。跟住就系花枝片。花枝片味道甘甜鲜美，口感柔软弹牙，更加系含有高蛋白同低热量嘅营养海鲜食物，超好食。仲有就系唐生菜，唐生菜嘅口感爽脆，叶片嘅水分都好充足，味道清甜，吸收咗汤汁嘅鲜味之后，食落去十分惹味。