Essence

营业中

休息中

东涌呢间酒店自助餐最近做 Promo，逢星期三晚加埋一都唔驶二佰元，仲有三个钟食添，即打电话去订位都排差不多一个月先至有位，唯有耐心等待..终于今晚可以大拆一番了！现场环境不错， 座位尚算舒适，未到七点已经布满人头，非常热闹，拿拿声争取时间攞嘢食了，最多人排队的是长脚蟹，足足要排两三个字先到!长脚蟹似乎是主角，第一转都好鲜甜美味，第二转再攞番嚟食𠮶D却咸得不能入口，我已经食得好咸，大家都觉得第二转的蟹咸味太重了，就像放一把盐入口一样，真奇怪了!羊架就唔错，牛排，生炒骨同炆猪手都好好味，仲有越式春卷，鱼饼。沙律莱同各式豆类都有好多选择，甜饼蛋糕都0K，咁嘅价钱，真是抵食到癫。