四合院 (已結業)

湾仔呢区特别多嘢食，除咗利东街𠮶条大街D餐厅外，其实隔离呢条细细地嘅街都有啲细餐厅，冇谂过想食辣野嘅时候就见到呢间「四合院」，个餐牌吸引左我入去坐。虽然店舖细小，但系非常满座。首先叫咗个炒莴笋，因为唔系好多地方有得食，呢度炒得好爽口，好味！！跟住妈咪见到呢个 << 十三香秘制干锅-虎虾锅>>，即刻啱晒佢个口味又钟意食虾又钟意食辣。 底香我哋拣咗麻辣，配料仲有本身有妈咪最爱嘅豆卜，我哋在额外加左豆干。送到来冇谂过份量咁足料好大碗，虾都有差唔多有十只，只只都好大只，又多肉，好新鲜，妈咪食唔停手。另外好有意外惊喜系𠮶个豆干，普通嘅配料唔系主角，但外层都好脆好香口。妈咪好满意，连剩返落嚟啲辣椒都想打包返去。非常有意外惊喜，会再帮衬，食完非常回味！！值得推介！！