嘉樂餐廳 (已結業)

之前都讲过，因为男友住土瓜湾，所以我成日系依头揾食。返工前一定食早餐，附近的茶餐厅到街市都试过晒，有一日揾到依度，点知一食就爱上左，一唔食就唔安乐…每次试一间新茶餐厅，一定会叫沙嗲牛面。坊间的沙嗲牛面试过唔少，但总系食唔到岩心水的。依度既沙嗲牛面，非常有惊喜！！好多茶餐厅好鬼小气，沙嗲牛比得个少少，依度既沙嗲牛肉比得好阔卓，每一条面都可以沾到沙嗲汁。而且佢地的沙嗲牛肉一d都唔行货，辣得刚刚好之余重有一阵淡淡既蒜味。沙嗲牛面可以搭奄列或火腿双蛋。奄列蛋皮厚度刚好，重有少少蛋浆，煎成一个完美的半圆形 (唔系夸张！我第一次食都吓亲！)。煎蛋的话都非常唔错，个型煎得好靓之余蛋白白雪雪连个底都无焦，唯一美中不足系火腿无煎过，只系垫系煎蛋下面。个包加2蚊可以转蒜蓉包，我见好多人叫，但我又唔系太好所以作罢。老板好好笑容，一行入去就会同你讲早晨。研究左新野食重会请客人一齐试，气氛非常好。另，冻饮只系加一蚊！老实讲，我真系好耐好耐无见过冻饮只系加一蚊…另二，依度用传统茶餐厅餐具，即系蓝胶碟，面用『唔碗唔碟』既碟上，照样无刀得叉同羹。而家好多茶餐厅都唔用，有点可惜。另三，沙嗲牛面系特餐，如叫早餐ABC只系