Anyhow Bar & Restaurant (已結業)

之前朋友介绍话野食好正，系门口睇过餐牌，觉得价钱都合理同老公然后就入去试下。朋友介绍我必食温泉蛋海胆意大利饭，慢煮猪鞍同蒸生蚝。生蚝本身我唔食所以冇叫，叫左海胆饭，猪鞍，蒜香鸡翼同加左58元有一个餐汤，蒜蓉多士同饮品，不过由于太夜去，猪鞍已经卖哂，所以转左食西冷牛。个蒜蓉多士唔简单，唔似一般多士得个硬字，佢真系外脆内软，见到系好有heart既。个海胆饭一上枱简直喜出望外，舖到密既海胆，每瓣海胆有两只手指个埋咁大，再睇番个价钱，就知系益街坊冇钱赚，小店揾食真艰难。蒜香鸡翼只只都大大只，又脆又香浓蒜味。个西冷牛，牛味浓，大大份，再配上沙律菜及焗薯，二百零蚊确系超值，唔系快餐店果d用好多酱汁去盖住雪味既牛扒。所有食物都高水准，价格实惠，埋单五百有找，平均二百零蚊就食到高质西餐。唯一不足应该系厨房唔够人手，上菜较慢，所以真系要耐心等待。