鐵牛台灣牛肉麵 (希爾頓大廈)

营业中

休息中

呢度每样食物都正常，唯独牛肉面块牛肉真系韧到扯都扯唔断，我见唔止我呢碗系咁，因为对面枱位女士都扯紧旧牛肉扯到个头Chok左下。牛筋腩面 $58就咁望落个样系正正常常既，汤底有牛肉味，面质弹牙，不过一咬落啲牛肉度就出晒事啦。系韧到扯唔断咖！图中系我咬左两次都未扯甩旧肉，影一影个肉质，相片可见系又干又硬，咬到牙都软，最后都放弃左部份牛肉，因为真系好唔掂。小香肠肉燥干拌面 $58小香肠系台式香港，微甜又爽爽地既，如果配埋蒜片就正啦拌面好香肉燥卤水汁味，面质弹牙，唔错。芝士盐酥鸡 $40佢既盐酥鸡本身都炸得几好，可惜芝士似系普通片装车打芝士直接加上去再整溶佢，两者唔系咁夹，就咁原味盐酥鸡应该会好食啲。鱼酥皮蛋豆腐 $36豆腐唔系几够滑，木鱼同酱汁调味得唔错，但偏咸左。芋香珍珠 $16(跟餐)无咩芋香，珍珠又硬硬地唔系几够软，一般。