Chicken Pocha (已結業)

行到大窝口，唔知食咩好，咁啱见到有间韩国小店价钱OK咁就入去试吓，我谂呢间都开咗一段时间，但系一直都冇为意佢嘅存在，小店细细间大概有五至六张枱，晚上10点几先来食已经冇咩人，侍应姐姐热情招待我地。叫咗三样嘢食：辣炒年糕，够辣，年糕弹牙仲有韩国鱼蛋，年糕够淋好入味，酱汁够辣好惹味芝士泡菜炒饭：芝士混埋鸡蛋围边，泡菜同泡菜汁炒饭，呢个唔系太辣加埋啲蛋同芝士好好味，成个饭都好浓泡菜香！流心芝士卷蛋：卷蛋入边有浓浓同好厚嘅芝士，一切开啲芝士好似流心咁流晒出嚟，劲正！见其他枱同的外卖都有叫炸鸡，我谂应该炸鸡都出名，下次可以试吓！