韓珍 (寶勒巷)

营业中

休息中

有朋友介绍话呢一间可以食到糖卤肉。但可惜我去嘅时候唔系下午，冇得叫午餐，得一个人又食唔晒一大碟，所以就冇叫，唯有下次再试。叫左我最钟意食嘅辣海鲜汤面。都好多海鲜，又有鱿鱼，蚬，虾。汤底都好浓味，唔算话好辣。但煮好上菜嘅时候系劲热辣辣，都感觉到𠮶个镬气去炒啲海鲜。不过似乎落咗好多味精，因为我食完之后口渴咗好耐。之后仲叫咗一个蒸鲜肉饺估唔到同菜单一样有咁多件。我仲以为佢应该净系比四，五件我。点知$58有成八旧价钱仲平过超市买。都系正常甜甜地嘅韩式蒸饺，冇咩特别，不过都算好味。总结呢一餐都食得开心嘅下次一定要试吓𠮶个糖卤肉，真系唔见香港有边间餐厅有得食。