韓半島 (已結業)

心血来潮想食韩国菜，search下见到呢间几多好评地点又就脚，二话不说就book咗。翻开餐牌每样菜式名都好特别😂 一见到「升上神仙台」就俾个名吸引住，五花腩肉配特制酱汁。腩肉够腍、唔腻，食多几旧都冇问题。唯一美中不足系可以俾多啲酱汁，食到最后几块冇汁点。「仙岩村的秋天」，净睇名完全冇idea系咩菜式。查实系荞麦面配甜酸芝麻酱，酸酸地有啲柚子味几开胃。最后加多一个「荞麦花开时」，薯仔饼配蜂蜜同芝士。个饼系由薯仔丝整成，骤眼睇同米饼有几分似。面头满满芝士但系配上煎到脆嘅薯仔饼中和返油腻感。不过食物份量偏细，大食嘅朋友可能要再食多个宵夜先够饱🤧