炑八韓烤 (黃大仙中心南館)

营业中

休息中

嚟咗黄大仙中心逛一逛同fd食个晚餐，佢话想食韩烤肉，咁就拣左炑八，基本上一出地铁站出口就到。大家都唔系好想谂嘢，咁就叫咗个完胜薄切牛舌套餐。首先上配菜，除左沙律之外其他都可以无限添加，泡菜有少少酸辣味唔会太重口味，青瓜爽脆仲有好似海带调味。泡菜蛋同粟米芝士都系可以无限添加!!!唔小心加左四次，又香滑又有口感，芝士仲可以拉丝。呢度啲牛舌比较薄身，都算容易咬开，不过都要睇你烧到几熟，生啲就软身啲，熟啲就有㶶㶶哋既美味，总括嚟讲点烧都好食🙈 霜降牛小排同样薄薄地容易咬，嫩滑可口。大啡菇估唔到又几多汁几juicy，仲有啲啡菇嘅香味。葱蒜牛五花油脂分布较多，系肥油花的肉，嚼劲十足兼肉汁丰富。梨汁鸡肉鲜嫩美味，厚猪皮同大墨鱼都爽口弹牙多汁。套餐加$20有一杯梳打薄荷荔枝梳打，薄荷味比较重，好fresh。菠萝梳打，有新鲜菠萝嘅味道，甜甜地。两个都写住推介，有大大粒荔枝同菠萝喺度，饮之前要搞一搞个底，两杯都好够冻，饮得够爽。成间店好大，服务唔错不过有时都要等一等服务员巡到过黎，食物质素高，系韩烤之选。