影片
更多
2024-10-08
1210 浏览
尖沙咀一向系韩国菜集中地。今日就嚟试一间几出名嘅韩国餐厅，只要上网search 餐厅名，就会见到GD。原来系餐厅旧老板同GD父母系认识，当年GD都有嚟帮衬。餐厅有空间感，枱与枱之间距离好远，完全唔会有压迫感。最重要嘅系，餐厅地面好干净。平时去韩烧，地下又笠又滑，哩度好干净。岩岩放工，大家都好肚饿，叫咗几款熟食，食住等。酿冬菇伴柚子沙律 ($35)酿冬菇有3粒，全部切半，可以多啲一齐分。柚子沙律醋好味，好开胃，好清新。葛根水冷面 ($88)冷面配醋、芥茉一齐食，酸酸甜甜，同样开胃。最近天气热返咁多，个冷面够哂冻，即刻降温。冷面有辣同唔辣，可以按自己口味落单。韩式葱和海鲜煎饼 ($150)个煎饼有8大片，多馅。食落唔会好多粉，煎饼边边煎得脆口，唔错。煎饼比想像中厚，真系要多啲人一齐食，如果唔系好快食饱哂。食完熟食，就准备等啲牛肉嚟😎职员帮我哋开炉后，等了又等，成20分钟，啲生肉都仲未到...最后等咗差唔多成半个钟先到...食前菜都食饱，所以食完第一转肉，就无再追加。牛舌 ($140)调味特级牛肋骨 ($280)烤大虾(4只) ($120)特级韩牛横隔膜 ($280)牛舌一份有12片，份量好
原来系餐厅旧老板同GD父母系认识，当年GD都有嚟帮衬。
餐厅有空间感，枱与枱之间距离好远，完全唔会有压迫感。
最重要嘅系，餐厅地面好干净。
平时去韩烧，地下又笠又滑，哩度好干净。
岩岩放工，大家都好肚饿，叫咗几款熟食，食住等。
酿冬菇伴柚子沙律 ($35)
酿冬菇有3粒，全部切半，可以多啲一齐分。
柚子沙律醋好味，好开胃，好清新。
葛根水冷面 ($88)
冷面配醋、芥茉一齐食，酸酸甜甜，同样开胃。
最近天气热返咁多，个冷面够哂冻，即刻降温。
冷面有辣同唔辣，可以按自己口味落单。
韩式葱和海鲜煎饼 ($150)
个煎饼有8大片，多馅。
食落唔会好多粉，煎饼边边煎得脆口，唔错。
煎饼比想像中厚，真系要多啲人一齐食，如果唔系好快食饱哂。
食完熟食，就准备等啲牛肉嚟😎
职员帮我哋开炉后，等了又等，成20分钟，啲生肉都仲未到...
最后等咗差唔多成半个钟先到...食前菜都食饱，所以食完第一转肉，就无再追加。
牛舌 ($140)
调味特级牛肋骨 ($280)
烤大虾(4只) ($120)
特级韩牛横隔膜 ($280)
牛舌一份有12片，份量好多。
几款肉嘅肉质都好淋。
尤其系腌咗嘅牛肋骨，唔会好咸，好好味。
另外，值得一提嘅系牛横隔膜。
第一次食哩个部位，餐厅将件肉扎得好靓，一个圆形咁。
我哋先将横隔膜烧到半熟，再剪开丝带，拆开嚟烧。
口感好有咬口，但系唔会好硬，无腥味，又几好食。
未试过嘅朋友都可以试下，好特别👍🏻
餐厅系无烟烧烤，食完啲衫、袋，全部无味🥹🥹
整体食物味道都唔错，唯独系上菜时间有啲耐。
反而熟食好快到，生肉就等好耐。
前菜可以无限refill，一路等一路食，食前菜都食饱🙈
餐厅有仪式感，即使系烧肉配料 同 酱汁，摆盘都唔马虎。
所以啲牛肉未到，已经摆到成枱嘢🤣
成个用餐体验唔错，推荐👍🏻
张贴
