影片
更多
2016-11-14
297 浏览
韩烤好耐之前试过一次，喺荃湾嘅军事装修那间。当时印象麻麻地，四个人食左千三蚊，但麻麻地饱。今次系事隔好耐再食韩烧，整体感觉都算唔错。周日啱啱开店冇耐就冇乜人，但大概点半钟左右就满喇。店内面积就唔算话好大，但枱与枱距离都阔，唔会话好焗促。餐牌的话，系分左烤肉同热食两类，即系如如果唔食烧肉，都仲有其他野可以点。前菜有几款，生菜都系任添，炉边蛋同粟如果唔够就要加钱。牛拼盘 $288/份（酱牛护心肉、降霜一口牛、和牛舌、酱腌牛肋骨肉）虽然网上见过有人话拼盘冇散叫咁好，但个人都系觉得拼盘冇点错。一来唔洗好似我地咁计来计去边样抵，因为根本冇得计。二来我觉得如果拼盘嘅食物都咁啱系本身都想点嘅，就点拼盘冇死。店员话呢个拼盘系两人份，如果你有3、4人的话，再散点几款就啱啱好喇。酱牛护心肉：个人认为呢只最好食！酱腌得啱啱好，唔会咸，包埋生菜食，一流。护心肉带好少好少脂肪，肉够嫩。如果散叫都建议呢款降霜一口牛：其实个人就唔太钟意烧牛柳粒，牛柳粒一般会比较雪藏，由于切得比较厚身，其实烤起上黎唔容易熟，但烤得太耐，基本上会浓得好快，而且肉质会韧，同食旧炭冇分别。呢个亦都无法幸免，不叫也可。和牛舌：牛舌黎讲，呢只
周日啱啱开店冇耐就冇乜人，但大概点半钟左右就满喇。
店内面积就唔算话好大，但枱与枱距离都阔，唔会话好焗促。餐牌的话，系分左烤肉同热食两类，即系如如果唔食烧肉，都仲有其他野可以点。前菜有几款，生菜都系任添，炉边蛋同粟如果唔够就要加钱。
牛拼盘 $288/份（酱牛护心肉、降霜一口牛、和牛舌、酱腌牛肋骨肉）虽然网上见过有人话拼盘冇散叫咁好，但个人都系觉得拼盘冇点错。一来唔洗好似我地咁计来计去边样抵，因为根本冇得计。二来我觉得如果拼盘嘅食物都咁啱系本身都想点嘅，就点拼盘冇死。店员话呢个拼盘系两人份，如果你有3、4人的话，再散点几款就啱啱好喇。
酱牛护心肉：个人认为呢只最好食！酱腌得啱啱好，唔会咸，包埋生菜食，一流。护心肉带好少好少脂肪，肉够嫩。如果散叫都建议呢款降霜一口牛：其实个人就唔太钟意烧牛柳粒，牛柳粒一般会比较雪藏，由于切得比较厚身，其实烤起上黎唔容易熟，但烤得太耐，基本上会浓得好快，而且肉质会韧，同食旧炭冇分别。呢个亦都无法幸免，不叫也可。
和牛舌：牛舌黎讲，呢只算合格而已，因为日式烧肉用嘅牛舌真系腍好多。呢款牛舌烧起上黎会比较硬身，但由于系韩烧，又有酱料点住，又用生菜包住，就冇太大影响。
酱腌牛肋骨肉：呢只都系推介的，size都几大块，而且肉都系好嫩，怕肥膏位嘅人可以点呢款。
酱腌猪梅头肉 $78/250g 因为点左牛拼盘，又想食下猪肉，就追加呢只平平地嘅梅头猪。店员本身就推荐贵少少嘅有机自然猪柳。梅头猪肉都唔错，唔会话肥到唔想食。
辛辣海鲜汤饭 $78因为成日睇三时三餐，见到韩国人乜都放好多辣椒粉去煮，自己本身都算食得辣，所以叫个泡饭试试。饭用左个铁碗装，海鲜汤都系用传统韩式煲仔装住。虽然话系辛辣，但个人觉得唔系好够辣，可能应番香港人口味做左调节。海鲜方面就以贝壳类为主，由于跟埋个白饭，我觉得都可以叫，顺便拎啲送下烧肉。
其实食到呢个位我地都好饱了，因为中途追加左两次生菜同一次前菜，食埋炉边粟米同蛋。
我几钟意呢度嘅粟米冇加芝士而落左牛油，唔系唔钟意芝士，而系有时食左咁多肉，再食啲芝士会腻。忌廉插柚子沙冰 $38
其实我觉得呢度嘅欲品真系几抵饮，讲开又讲，琴日食左间韩国野，叫杯野饮要八十几蚊，大佬加埋一俾你咪成旧水？唔舍得叫啰。
食完烧肉，饮番杯冰凉柚子冰，唔错，柚子味浓。
整体黎讲都算唔错，推介护心肉同牛肋骨肉，饮品除左柚子冰，可以试下原个菠萝冰。以上份量个人认为2-3人足够。顺带一提，店员好有礼，虽然当时都full，但都照顾到每枱需要。
不过有一点留意，如果你好怕自己成阵油烟味，呢度系会有呢个问题，虽然有系抽风管，但唔算好强力，所以一离开都会闻到自己臭臭地。曾经帮衬过台湾一间烤肉店，厕所放左「熊宝宝」，我觉得几贴心，但暂时喺香港冇见过有呢种。
张贴
