九份•十分 (T Town ) (已結業)

今日突然好想食台湾野，就同左朋友黎左呢间九份十份。一入到去，店员即刻好好礼貌咁带我地入座，仲介绍我地有咩好食，真系好好！而且呢到装修得都好靓，系到食野都开心啲。睇一睇menu，听闲呢到既盐酥鸡系一流，就同朋友决定左一于试下！最后我地叫左牛烧牛肉面、综合卤味肉燥饭、盐酥鸡、麻酱粉皮、姜母茶同冬瓜茶。先讲牛肉面，啲牛肉好软身，一啲都唔会硬，仲要成个汤底都系牛肉味，好高质！其次系卤味饭，有肉燥、肾、鸡翼、鸭舌、猪大肠同豆腐。卤水劲入味，尤其系猪大肠同豆腐，真系会食极都唔够喉，而且份量都好多，好抵食！店员仲好好服务，主动问我地要唔要碗仔！黎到我最期待既盐酥鸡，呢到最特别既系仲有好多款调味料拣，绝对唔会食厌呀！啲鸡炸得好脆，睇得出系即制，而且啲鸡都好有鸡味，完全唔似冰鲜鸡咁无晒味！我就最中意食个梅子粉，加落啲鸡到食，真系世界级！仲有个麻酱粉皮，麻酱入面有啲wasabi味，好特别，第一次食，有惊喜！最后值得一提既就系个冬瓜茶，味道好classic又唔会落太多糖，推廌！为左呢到既盐酥鸡，我一定会再黎食！