蜀客 (已結業)

嚟过K11 Musea都知道呢个商场格调高，充满艺术感，所以呢度嘅食肆都有返咁上下水平，今晚有幸黎蜀客食饭，梗系要好好享受下。黎之前睇食评知道佢有个无敌大海景，不过今晚嚟到已经俾人坐咗个张枱，唯有食完饭临走去观赏下啦，如果真系可以坐喺度望住个海食，真系成件事浪漫十倍啊！其他位置冇海景，不过都坐得好舒服，张枱之间有一定距离，地方相当宽阔。晚市除咗散叫，都有二人餐和四人餐等等，二人套餐有四款，虽然呢度系食川菜，不过都有一个餐冇乜辣嘅菜，我哋就拣咗呢个每位$468 （加一），由头到尾一共有十道菜，相当丰富，虽然价钱系每位计，不过基本上都系一碟碟咁上，除咗汤和面。头盘有椒盐豆腐粒、头抽珍菌和韮香桃仁，豆腐粒外面香口、里面软滑，豆腐本身味淡，不过外面有啲椒盐未，平衡得啱啱好，呢个相当好味。头抽珍菌相对豆腐就浓味得多，有唔同嘅菌类，非常惹味可口。至于个合桃都做得唔错，对于我呢啲本身唔系好钟意食合桃嘅人，都觉得佢味道OK，韭菜味唔会好浓烈，食落清清地但系又有咬口，系几好嘅头盘。今晚嘅汤系淮杞响螺炖老鸡，相当足火候，每款都有淮山杞子螺肉和鸡脚等，热辣辣好好味。拎个四个热荤包括葱爆鲜虾球、鱼肚伴菜心、京