影片
更多
2016-02-17
1451 浏览
虽然晌中环工作，但一向都甚少出外食晏，唔喺带饭返去叮，而喺公司属旧派，仍有叫福食嘅传统。都几好架，足不出户，专人送到，快快手食完又可以瞓吓晏觉。不过，间中都有例外，就如福食𠮶边无咁快开市，又趁新正头，约约附近做嘢嘅朋友外出食餐开年午饭。晌德辅道、皇后大道一带超多人，上番少少嘅兰桂坊其实有唔少食肆，但人潮就相对细。嚟到Ciao Chow，铺面开扬，近门口僻为酒吧，所以，门口以高脚吧枱为主；再入啲，环境依然阔落，原木、配云、铜管嘅组合，带点工业风，贯彻番依一带食肆要够型格。再者，开放式厨房，睇到厨师团队落力做菜，侧旁一大个玻璃柜，吊起多条意大行火腿。而另一边厢，巨型大烤炉，令人对其薄饼充满万分期待。虽然喺食晏，不过，依度无午餐供应，全部散点，横掂开年，就一于食得丰富少少！前菜小食有超多选择，大大话话近30款，分为肉类、芝士类及蔬菜类，各式其式，适合唔同喜好嘅人士，定价$32-$98，丰俭由人。Bruschetta ai Pomodoro $48意式嘅烤面包片配以蕃茄粒伴橄榄油，面包香脆，蕃茄鲜甜，简单开胃。Salame Napoli $32拿坡里我只想起马勒当拿曾效力过嘅意甲球队，佢嘅莎乐
晌德辅道、皇后大道一带超多人，上番少少嘅兰桂坊其实有唔少食肆，但人潮就相对细。嚟到Ciao Chow，铺面开扬，近门口僻为酒吧，所以，门口以高脚吧枱为主；
再入啲，环境依然阔落，原木、配云、铜管嘅组合，带点工业风，贯彻番依一带食肆要够型格。
再者，开放式厨房，睇到厨师团队落力做菜，侧旁一大个玻璃柜，吊起多条意大行火腿。而另一边厢，巨型大烤炉，令人对其薄饼充满万分期待。
虽然喺食晏，不过，依度无午餐供应，全部散点，横掂开年，就一于食得丰富少少！
前菜小食有超多选择，大大话话近30款，分为肉类、芝士类及蔬菜类，各式其式，适合唔同喜好嘅人士，定价$32-$98，丰俭由人。
Bruschetta ai Pomodoro $48意式嘅烤面包片配以蕃茄粒伴橄榄油，面包香脆，蕃茄鲜甜，简单开胃。
Bruschetta ai Pomodoro
$48
77 浏览
1 赞好
0 留言
Salame Napoli $32拿坡里我只想起马勒当拿曾效力过嘅意甲球队，佢嘅莎乐美肠又会喺点？睇起嚟好似好多油膏咁，但入口又唔觉佢肥，带少少甜味，又有少少辣香。
Pancatta Coppata $38从餐牌可见，店内有24个月嘅巴马火腿（$66），亦有36个月熟成嘅黑毛猪火腿（$98），都话丰俭由人，卖$38嘅意大利烟肉卖相唔差架，油润咸香，友人觉得有少少偏咸，所以配烤饼同食就好啲。
汤品及沙律归为一类，但其实只有是日餐汤一款，反而，沙律共有8款选择，每样睇落都几有特色。
Kale $118佢哋每道菜都会写有咩成份，可以让人揾到合心水嘅选择。就好似依道沙律，主要有羽衣甘蓝（Kale，晌网上有见过译为卷叶芥兰）、意大利烟肉碎、松子仁并拌匀蜜糖香蒜汁。羽衣甘蓝入口清爽，烟肉碎及松子仁加添口感嘅变化，酱汁亦做得较轻盈，整体感觉清新健康。题外话，羽衣甘蓝近年被受热捧，除有丰富有益元素外，有指对某些癌症有好处。
Kale
$118
92 浏览
1 赞好
0 留言
Carbonara $138卡邦尼意粉（鸡蛋烟肉意粉）相信大家食唔少，薄饼版嘅卡邦尼唔知会变成点？佢属于无酱汁底嘅款式，但批面铺咗好多意大利烟肉、紫洋葱，又加少少罗勒叶，再以蒜头、黑胡椒调味，配合埋莫沙里拉芝士，而最「卡邦尼」就自不然晌中心位打只生鸡蛋啦。批底属薄批，但又唔喺「饼干」底，咬落好软熟，有点韧劲，味道咸咸香香，莫沙里拉芝士香软柔韧。
Italian Butcher $208相对个Carbonara，依一个「意大利屠夫」绝对喺另一番风味。以蕃茄酱为底，配以意大利鲜蕃茄、巴马火腿、莎乐美肠、莫沙里拉芝士为组合，非常惹味咸香，最刺激喺加咗辣油，辛辣香口！
Italian Butcher
$208
87 浏览
1 赞好
0 留言
晌意大利菜中，甜品都好有特色，所以，嚟到午餐嘅尾段，来一客甜点作个完美结束。
Tiramisu $78讲经典非意大利芝士饼莫属，今日试到嘅多道菜式，卖相都平稳，唔似法国菜咁多花巧，就连件芝士饼都一样。马卡风芝士饀心好幼滑，带淡淡芝士香，内里手指饼微微湿润，咖啡酒落得亦恰到好处。
一年伊始，香港已经好多是是非非，我哋言谈间自然离不开此等话题。依餐开年饭，似乎大家都食得颇为满意，但愿香港安定繁荣，人人都丰衣足食，事事顺景！
张贴
